البنت
_تغسل ايدها بالميه والصابون وتنشف ايدها كويس (ده قبل الاكل طبعا)
_تمشى بالراحه كده بهدوء لمكان الاكل وتساعد مامتها فى رص الاكل
_تقعد على الترابيزه تبص للى قاعدين وما تاكلش الا لما يبتدو هما
-تمسك المعلقه بالراحه وممكن تحط فوطه على رجلها لزوم النضافه
_ تقول بصوت ناعم (بسم الله)
_تبدا باكل الشوربه والسلطه عشان تفتح شهيتها
_وبعدين تعد 15 حبايه رز وتاخدهم على المعلقه
_تمضغ الاكل بالراحه وا تسمعلوش اى صوت
_وبعد ما تخلص تقريبا فى اربع دقايق تحط المعلقه وتقول( الحمد لله)
_تقوم بنفس الطريقه اللى قعدت بيها وتروح عالحمام تغسل ايديها وبعدين ترجع عشان تساعد مامتها فى شيل الاكل



ندخل على الولد
_اول ما يقول يا فتاح يا عليم ولا حتى قبل ما يقولها يروح مشمر دراعه وما يكونش شايف حاجه بعينه اساسابس احساسه بياخده على ترابيزه الاكل عدل

او غالبا بيبقى بايت تحت الترابيزه عشان يلحق الليله من اولها
_يقعد على الترابيزه تقلش نيزك وقع من السما ولا قنبله هيروشيما ويبتدى الاكل وطبعا مافيش (بسم الله)
الشيطان لو هيلحق ياكل معاه يدوس هو هيقول لا يعنى
_ يخش على الرز سلطه مين يا عم دى بيشوفها فى الافلام بس وبايدهكلها طبعا
معاهم مين اللى هتاثرلسه ما وصلوش الاختراع ده
ويسيب ما بين كل صباع والتانىبتاع 5سم عشان الكبشه تبقى محترمه
_لو هيغمس هتبقى ليله مطينه على اللى قاعدين معاه
هيعمل اللقمه ودن القطه وتلاقيها فايته تمسى على كل طبقموجود على الترابيزه من فوق لتحت يمين وشمال تقولش الخطيب بيرقص
وفجأه تلاقى فتحه بقه بقت من عند تحت الودن تقريبا وتدخل اللقمه عشان ترقد جوه بسلام
_ وشويه بقى ويبدا يظهر موهبته فى العزف المفرد تقولش بيتهوفن ولا مزيكا حصب الله شوربه(وففففففف) والنواشف (خشت خشت خشت خشت)
وساعتها طبعا بيكون الشيطان قرف ونفسه اتسدت ويقوم من على الاكل ويمكن هو اللى يقول الحمد لله كمان
_ احلى حاجه انه بيتعامل من غير ما يبص للى قاعد معاه على الترابيزه هو اصلا ما يعرفش مين قاعد معاه اساسا مش فاضى الله يعينه هيقطع نفسه الراجل يعنى
وبعد حوالى تلت تربع ساعه يصدر القرار بوقف اطلاق النار وتلاقيه ولا كانه واحد كان قافش حرامى جزم فى الجامع ونازل فيه ضرب
_ وقشطه بقى يخلص ويمسح ايده فى اى حاجه يلاقيه قدامه هدومه بقى او مفرش الترابيزه والله ما تفرق هو لسه يعنى هيطخ مشوار لغايه الحمام ايه الافترا ده
_يقوم يخبط على بطنه ويطلع صوت زئير الاسد ( مقرف)وممكن يطلع نار من بقه وبعدين يبتدى يتعرف على اللى كانو معاه على الترابيزه عشان احتمال حد يساله ولا حاجه

هههههههههههههه
ما تنسوش الردود يا حلوين





ملطوش زي العادة