اعزائي القراء ارحب بكم معي في اولي برامجي الاذاعيه وارجو من الله ان ينال البرنامج اعجابكم و اتمني

ان اري مشاركتكم و تعليقاتكم التي تزيدني شرف

البرنامج متجدد وكل اسبوع هتكلم عن حاجه معينه ,, هبدا بقي اتكلم عن اول حاجه النهارده



((الاسلام...والمسلمون))

هناك فرق بين الاسلام...والمسلمون , هناك اسلام نعرفه و اسلام نتحدث عنه واسلام اخر نمارسه , وهناك

اسلام في الكتب واسلام اخر في عقول الناس و قلوبهم...

عشان كده ممكن نقول ان الاسلام معطل , عشان الاسلام مش مجرد مبادىء بتضمها الكتب , انما هوه فكره لابد ان احنا نطبقها , ومنغير تطبيق

الاسلام يعتبر حلم...

احيانا من كتر ما فكره التطبيق دي بعيده عن الناس بيفتكرو انه لايصلح للتطبيق , وبدل ما نسند التقصير ده للفاعل الاصلي واتهام المسلمين بعدم

قدرتهم علي التطبيق بنتهم الاسلام بانه غير قادر علي الحياه وسط ظروف متطوره ناس تقول الدنيا يا جماعه اتطورت و بقت حاجات كتير صعب تنفيذها

وسط حياتنا دلوقتي...

الاسلام برىء من تهمه اللاواقعيه و تهمه العجز عن تغيير الحياه لو طبقت مبادئه , وفي احد احاديث الشيخ محمد متولي الشعراوي رحمه الله اتكلم عن

الموضوع ده و اشار الي هذه الحقيقه و حكي و قال ان في شخص من الغرب قال بعد اسلامه الحمد لله اني عرفت الاسلام قبل ان اعرف المسلمين..

الكلمه دي تعني ان المسلمين مش مثال طيب وجيد عن الاسلام , فالاسلام هوه القوه والترابط , والمسلمون هم الضعف و التفكك

الغريب ان مدن المسلمين هي اقل المدن نظافه وشوارعهم هي اضيق الشوارع ومحلاتهم و بيوتهم و شغلهم في فوضي كبيره واي انسان بيشوف كل

ده بيفتكر ان هوه ده الاسلام , و الاسلام برىء من ده كله , احنا قدام تطبيق مسلمي الزمن ده للاسلام و ده تطبيق يتسم بالجهل و الغباء وبالتالي

هو تطبيق ملوش اي علاقه بروح الاسلام او بحقيقته...

يعني مثلا الاسلام دين النظافه وبيعتبرها من الايمان , وكمان امرنا بالاغتسال خمس مرات في اليوم اثناء الوضوء للصلاه

طب ازاي ده بيتوافق مع اتساخ شوارع و احياء المسلمين....؟

الاسلام كمان دين بيعلم الناس الوقوف صفوف اثناء الصلاه و من المهم ان الصف يكون مستقيم ...طب ازاي المسلمون بيفشلو في تطبيق اي نظام او الوقوف في اي طابور , لو بصيت لاي طابور في اي حته سواء علي العيش او للمعاشات او لاي حاجه في الدنيا تلاقي هرجله فظيعه و عدم نظام رغم انهم لو نظمو الطابور هتمشي كل حاجتهم بصوره اسرع بكتييييييير

كمان برضه الاسلام نزل بكلمه((اقرأ)) ...وتلاقي نص المسلمين ان مكنش اغلبهم لا بيقرو ولا بيفتحو حتي الكتب اللي بتتفرض عليهم كمناهج للدراسه

كلنا عارفين يا جماعه ان العالم الاسلامي بيتعرض لمؤامره كبيره بتحاول تخليه علي حاله يعني حاله التدهور اللي احنا فيها في كل جوانب الحياه

عشان كده امانه الاسلام تحتم علينا اننا نقاوم التخلف اللي مسيطر علينا نبدا بنفسنا و نحاول نغير الاخطاء اللي جوانا , كل واحد فينا يبص جواه يشوف نفسه هل هوه مطبق الاسلام بصوره صحيحه ولا لأ و يحاسب نفسه و يعدل منها


[center][color=#ff0000]هنا اعزائي القراء تنتهي اولي حلقات البرنامج و اتمني ان تكون حاذت علي اعجابكو


[size=14pt]لكم مني ارق و اجمل التحيات

((بنت من الزمن ده))

_________________________________________________