ازيكوا يا أحلي نجعاويه في الدنيا يا رب تكونوا كووووووول اخر حاجه علي رأي سيد ابو حفيه :]

ندخل بقي في الموضوع المهم اللي عايزه اكلمكم فيه

بالصدفه و انا بقلب في القنوات لقيت برنامج اسمه ضرب نار علي المحور

الحلقه اللي انا شوفتها دي كانت عن فكرة ان العصمه تبقي في ايد الزوجه وكانوا مستضيفين زوجه صاحبه عصمه بس ده

في زواجها التاني

و كانت وجهة نظرها بعد ما اتعذبت مع زوجها الاول: انه لازم كل بنت تصمم علي قرار انه العصمه تبقي في ايدها و قالت انه ده من حقها لانها بتاخد

احتياطها علشان الجواز من وجهة نظرها زي البطيخه!!!!!!

و هي حاليا في زواجها التاني ملقيتش السعاده اللي بتدور عليها و بتفكر تطلق جوزها!!!!

و نزلوا وسألوا الناس في الشارع و كل حد بدأ يحكم من واقع تجربته الشخصيه يعني حد بيقول ان الراجل هو اللي بيصرف علي البيت يبقي لازم تكون

العصمه في ايده و في ست قالت انا بقالي اربع سنين مشفتش جوزي كل كلامنا

تليفونات بسبب الخلافات اللي بينهم و انا بطلب منه يطلقني مش راضي علشان كده لازم العصمه تبقي في ايد الست

و كمان المذيعه قالت انه من الاحصائيات موجود حوالي 1000 زوجه في مصر حاملات العصمه في ايديهن

و اللي عايزه اعرفه منكم :

هل انتوا شايفين ان الخوف من غدر الزوج بزوجته يستدعي ان البنت قبل الجواز تتمسك بان العصمه تبقي في ايدها؟؟؟؟

و حتي لو كان الخوف ده سببب....هل الفكره دي مقبوله اصلا في المجتمع مع العلم انها محلله شرعا؟؟؟؟

وهل انتوا شايفين ان الجواز حرب بين اتنين علشان كل واحد لازم ياخد احتياطته من التاني ولا هو حاجه ارقي من كده بكتير و لا

بطيخه ولا ايه؟؟؟؟؟


و يا ريت كل ولد يدخل يقولنا لو اتقدم لواحده وطلبت منه ان العصمه تبقي في ايدها... ياتري هيوافق؟؟؟؟؟