السلام علكم ورحمه الله وبركاته

عاملين ايه تمام ولا ايه؟




بعد الفرح ما يخلص وبعد ما يخلص الرقص على الاغاني والفرح
تيجي بقى الحقيقه المره اوي وهي

كل واحد هيروح على بيتو وطبعاً العريس والعروسه كمان اكيد مش هيباتو في في القاعه بتاعت الفرح
طبعاً سبع الرجال اول مايدخل البيت هيرمي الجاكيت في نحيه والجرافيت في نحيه والشوز في نحيه
ويرمي نفسه بالمره على اقرب كنبه وال ايه تعبان من الفرح يطلب من المسكينه ويقولها
بقلك ايه انا جعان اويييييييييييييي لأن البوفيه ملحقتش اكل فيه حاجه اعمليلي اكل

(شفتوا الجراءه وهي لسه بفستان الفرح)

المسكينه تقولو طيب اغير الفستان يقولها هو ايه بقى مهو بجح
طب روحي لفي لفه في المطبخ شوفي هتعملي ايه وبعد كده ابقي روحي اعملي اللي انتي عايزاه

تروح المسكينه تطبخ عهي بفستانها وتقطع الخضار وحاجات الطبخ بصوابعها الناعمه

(وكل ده ليه علشان اتنيلت وحبته وخلاص بقى نصيبها )

تروح تحضر السفره علشان الباشا يقوم ويتعطف وياكل
تقوله ايه بقى يلا يا حبيبي خلصت من الاكل

(حبيبي ايه حبك برص)

يبصلها من فوق لتحت ويقلها ايه شكلك الغلط ده على العموم خلاص روحي غيري الفستان لو عايزه
(شكلها غلط يا روح مامي ما انت اللي خليتو غلط)

الباشا يخلص اكل علما المسكينه دخلت التواليت(اكرمكم الله)وخدت شاور واتظبطط
طلعت يا حرام لقت كأن كان فيه معركه على السفره وملقتش الباشا راحت تدور عليه

(خايفه عليه المسكينه)

لقتو في اوضه النوم قبل ما تتكلم
قالها يا ريت لو تصحيني الساعه 9 علشان عندي شغل الساعه 10يعني على اما اخد دش وافطر

(ياحرام البنت مصدومه)

كانت الساعه كام بقى 6 الصبح

قالتلو ماشي وطلعت علشان تنظف مكان الحرب العالميه التالته اللي كان سعادت الباشا عاملها
ونادى عليها قال ايه عايزها تغطيه على شان مامي كانت بتغطيه قبل ماينام وتقفلو النور وتشغل الاير كُندشن

(رايق البيه والله)

راحت المسكينه لقدرها تشيل وتحط وترتب وتنظف وتغسل المواعين مكان الباشا
بعد ما تعبت وظهرها اتكسر يا حرام قررت تاخد دش تاني بعد ما هدومها اتوسخت من التنظيف والمواعين وكده يعني

بعد ما خلصت الدش طلعت من التواليت (اكرمكم الله)لقت الساعه 8ونص يدوب تعمل الفطار للباشا
عملت الفطار وراحت تصحي الباشا الساعه 9 زي ما امرها


ودار الحوار التالي :-

المسكينه:-اصحى يا حبيبي الساعه تسعه يا حبيبي اصحى
(حبيبي مين ده عايز شومه على دماغه علشان يحس باللي حواليه)

ما زالت مستمره يا حبيبي اصحى اصحى بقى هزتو هزه هزتين تلات هزات
فين وفين علما الباشا قام
قام وقال ايه مخضوض انتي مين

(طبعاً مهو ناسي الجاريه اللي شاريها امبارح)

على اما قعدت تفكرو بنفسها بقى وافتكر والحمد لله
قام وفطر وبقى تمام وخد الدش بتاعه وكلو تمام وبيلبس ونازل
على اما خلص دلع من قدام المرايه زي البنات كانت الساعه بقت 11
وهو نازل قالها ان هرجع 1 وعايز اكل محشي وفراخ مشويه وشوربه وسلطه

(طب والنبي حد يقولي فراخ مشويه هيطلع منها شوربه ازاي ازااااااااااي يا ناس)

يلا ربنا ينتقم منو بعدلو بقى
راحت المسكينه قالت طيب
بعد ما مشي روقت الاوضه ونظفت السفره مكان الفطار ودخلت المطبخ تغسل المواعين وتطبخ
خلصت الاكل الساعه 12 ونص ودخلت تاخد شاور بعد الطبخ وكده طلعت راحت الاوضه بتاعتها تلبس هدومها
وتسرح شعرها وتحط البدي لوشن والحاجات دي اللي البنات بتعملها بعد الشاور

طلعت لقتو في وشها اتخضت المسكينه مهومخبطش على الباب قبل ما يفتح زي باقي البني ادمين اللي متجوزين

لقاها اتخضت كأنها عملت جريمه انتي شوفتي عفريت اتني هبله يا بت اتخضيتي من ايه شبح انا مثلاً
يا حبيبي والله ما كنت اقصد سوري وبعد ما اقعدت تتحايل عليه شويه
قالها خلااااااااااااااص عفيت عنك

(هههههههههههه على اساس انها متهمه )

قالها فين الغدا
قالتلو يا حبيبي 5دقايق بس احط الاكل على السفره
يا نهاريييييييييييييي على اللي قالو
انتي بتستهبلي يا بت اوزااااااااااي تعملي كده كان لازم تستحمي يعني قبل ما تحطي الاكل على السفره

(مش فاهمه ايه بت دي قال يعني متجوز بهانه اللي جايبها من البلد تخدمو)

قالتلو يا حبيبي منا مرضتش احطو علشان ميبردش
قالها كيفي بقى اكلو بارد انا حر اسمعي اما اقلك انا باجي من بره الساعه 1 واحده ودقيقه ان ملقتش الاكل على السفره
هروح اكل عند مامي

(يا سلااااام السكه اللي تودي)

كلو وشبعوا الحمد لله لقت البه بيقولها انا داخل انام شويه الكلام ده كان الساعه 2 وقالها كمان صحيني الساعه 4
قالتلو ماشي البنت يا حرام هتموت وتنام مطبقة بقلها يومين
قالت تخلص بسرعه غسل المواعين وتوضيب هدوم الباشا اللي راميها على الارض وتروح تنام ان شا الله ساعه بس

قعدت تنظف وتروق وتغسل لحد الساعه مجت اربعه إلا ربع مش معقول يعني هتنام ربع ساعه
استنت الربع ساعه دي وراحت تصحيه ونفس القصه بتاعت الصبح قتيل نايم قام وطلب منها كبايه نسكافيه على اما ياخد شاور
عملتهالو وقالها حطيها عند التلفزيون وراحو قعدو عند التلفزيون
بص في عنيها لقاها حمرا موووووووووووت من قله النوم قالها انا ملاحظ انك منمتيش لو عايزه روحي نامي

(لأ راجل ياله خلاص اديتها العفو والسماح)

فرحت البنت وقامت تنام لسه بتمشي اول خطوه لقتو بينادي وبيقولها
ولا اقولك تعالي اقعدي معايا شويه احنا مقعدناش مع بعض خالص من قبل الفرح بتلات تيام

(لأ يا راجل لسه واخد بالك دلوقتي وطبعاً مش عايزها علشان يحب فيها لاسامح الله على شان تخدم عليه)
قعدت المسكينه وكل ما تيجي تغفى على الكنبه يعلي التلفزيون تصحى مفزوعه مهي مش زيه قتيله
(بس برضو حرام انو نومو تقيل دي مش بإيدو حرام منظلموش الحق حق برضو)

فضلو على ده الحال لحد الساعه 2 بليل لحد ما اعصابها باظت من التلفزيون و من الباشا اللي كل شويه شاي قهوه عصير فاكهه لب وهلمه جره

أخيراً هيقوم ينام علشان الشغل لازم يصحى بدري قام نام
قامت المسكينه شالت الكبيات والاطباق وغسلتها وروقت اوضه التلفزيون مكان الاعده وكده وراحت نتام
على 3 كده دخلت تنام لقت حته منظر (انا لو شفته هيغمى عليا) الباشا نايم على السرير بالورب هتنام فيييييييين
حد يقولي هتنام فين؟؟؟؟؟؟؟؟؟؟؟؟؟؟؟؟
راحت نامت على الكنبه وظهرها خلاص هيتقطم من الوجع طبعاً معرفتش تنام خاااااااااااااااااااااالص غير ساعتين تلاته



وعلى الحال ده كل يوم يا ناس ده البنت دي لازم هيجلها انهيار عصبي بعد شهرين تلاته
وكمان ست شهور هنسمع ان جالها جلطه في المخ وسنه كمان هنعرف انها توفيت الى رحمه الله

بذمتكو لو مكانها هتعملو ايه؟


مستنيه ردودكم

نسيت اقلكم ان القصه دي من نسج خيالي المريض
بيوتي