السلام علكم ورحكه الله وبركاته

عاملين ايه يا رب تكونو تمام


ده اول الموضوع ليا هنا وعايزه اراء كتير علشان نقدر نحل المشكله مع بعض

المشكله دي هي
بصراحه انا مش عارفه ابدأ منين ولا ادخل للموضوع ده منين ودي اول مره تحصلي
بس يمكن انا علشان عايشه المشكله دي مش عارفه اتكلم فيها


(الثقة)


إحنا أكيد بناقبل ناس وبنفترق مع ناس كنا بنحبهم وبنحب غيرهم وبنقابل غيرهم
بس المشكله بقى لما نقابل حد ونخلصلو بكل ما فينا من مشاعار واحاسيس ونحبو بجد وفي
الاخر يطلع مش كويس ومش كويس دي اقصد بيها حاجه واحده مثلاً من مجموعه حاجات زي
(الكدب-الغش-النفاق-معرفه المصلحه-اللي يعرفك علشان يضيع وقت-اللي يعرفك علشان يعرف اللي جواك واسرارك واسرار حياتك-
الفتنه-اللي يعرفك ويبقى هدفه الوحيد انك تبقى ملكو لوحدو-اللي يعرفك علشان يسيطر عليك-...........)
وحاجات تانيه كتير قوييييييييييييي



واكيد حد منكم قابل حد كده
انا بقى قابلتهم كلهم وحبيت كل واحده بجد كأنها أختي بس من نص الطريق بتطلع فيها صفه وحشه وفي كل مره
بقول لنفسي اكيد المره الجايه هقابل الصديقه اللي بجد وفي كل مره باخد مقلب لدرجه اني دلوقتي خايفه اعرف حد أو اقابل
حد أو أعرف حد زي ما تقولو كده اتعقد خلااااااااااااااص وبرجع اقول لنفسي اكيد لأني بحب اللي قدامي بجد ومش بأزيه
ربنا هيبعتلي حد طيب ومحترم ونبقى اصحاب وأرجع اقول ده مستحيل أزاي يعني هو انا هبله وارجع اخاف اعرف حد
لدرجه اني بقيت بجد عايشه لوحدي خاااااااااااااااالص وأهلي بيني وبنهم بلاد يعني معرفش حد ولا حد يعرفني


انتو ايه رأيكم انا تفكيري صح ولا غلط يعني افقد الثقه في اللي حواليه ولا لأ انا عندي حق اني معرفش حد ولا لأ
لأني لما بعرف حد بحبه


اكيد كل واحد فينا عندو مشكله زي دي مش شرط تبقى اصدقاء بس ممكن تبقى اهل وحبايب اواي حد قريب منا
وانا حطيط جزء من مشكلتي علشان نقدر نفيد بعض


ودايماً اهالينا بيخافو علينا كمان ويقولولنا متثقوش في حد ولا تحكو حاجه عن حياتكو لحد إلا لما تعرفوه
هو إحنا لازم نفترض سوء النيه وعدم الثقه علشان نعرف نعيش

ولا نبقى كدابين ومنافقين وبميت لون
ولا انتو ايه رأيكم
نعمل ايه في حكايه الثقه دي



ده اللي عندي عايزه اتستفيد وأفيد
على فكره انا حياتي كلها دلوقتي مقتصره على النجع وبس


بيوتي