السلام عليكم ورحمةالله وبركاته

ازيكم اخواني واخواتي ان شاء الله تكونوا بخير وفي احسن حال والله انا عندي مشكلة كده في بيني وبين ربي ولقيت المكان المناسب اللي اطرح قصتي فيه والناس القيمة اللي تجاوبني
وانا مش هلاقي احسن من منتدي النجعاوية اللي هطرح فيه قصتي لاني عرفاكم كلكم تقدروا جدأ نبتدي بقي بالقصة
انا ياجماعة الحمد لله قلبي ملئ بالايمان ومتعلقة بربنا كويس والحمد لله المشكلة بقي اني انا مش كده علطول
ولكن للاسف لا يعني بمعني اني اتقرب من ربنا فترة وابعد عنه فترة يعني
احياناً اسمع اغاني واحياناً ابعد عنها واقول لا حرام لكن اعمل ايه ا لشيطان اللي بيغويني
يعني انا خلاص اقول هتغير وهفتح صفحة جديدة مع ربنا وافضل علي هذا الحال
لمدة ممكن اسبوع وبعدين ارجع تاني للهلاك طيب اعمل ايه مش عارفة والله ضميري
بيأنبني لما بسمع اغاني بحس كأني بعمل ذنب كبير جدا والله ياجماعة الفترة اللي بقترب فيها
من ربنا برتاح نفسياً بعيش حياة جميلة ومطمئنة بحس كأني في
دنيا تاني خالص وبعدين انا عارفة ان الدنيا دي فانية وانها لاتسوي جناج بعوضة عند الله
فلماذا نفكر في شهواتها وغرورها وربنا يارب يهديني واوظب مع ربنا بالعمل الصالح ولااعصيه
ابدا يارررب نفسي اتوب توبة ومرجعش تاني بقي اميين يارب
ياريت لو اي حد عنده اي نصيحة ليا يقولي اعمل ايه وشكرا لكم يانجعاوية ,
والسلام عليكم ورحمة الله وبركاته