طالب في الجامعة كان عنده مادة من المواد اللي بيدرسها مختصة بعلم الطيور


ولما قرب امتحان المادة آخر السنة .. الطالب راجع …وراجع لغاية ما طلعت عينيه




دخل الامتحان وهو واثق مليون فى الميه إنه جاهز وينجح


وبتفوق كمان .. المفاجأة إن الدكتور جابلهم سؤال واحد بس



السؤال كان عبارة عن صور .. لرجلين بعض الطيور .. والمطلوب معرفة أسماء الطيور من شكل رجليها بس



صاحبنا إتعصب وضرب لخمه وكان هيعيط ومعرفش يحل السؤال .. راح


قايم من الكرسي وراح للأستاذ وراح مسلم ورقته فاضيه وقاله


تفو عليك وعلي مادتك .. جاتك نيله انـته ومادتك .. الله يحرقك


رد عليه الإستاذ ببرود وقاله: اعتبر نفسك ساقط في المادة يا بابا ..


شويه كده .. لاحظ الدكتور إن الطالب ما كتبش اسمه على ورقة الإجابه قاله بنرفزه : أومال اسمك فين يا طالب ؟


قام عمنا رافع بنطلونه لفوق لغاية روكبه وقاله: تعالى اعرف اسمي من شكل رجلى