هاااااااااااااااااااه
إيه ده الساعة بقت 1 الظهر
هو انا كل يوم اصحى متأخر كده...
...........
اه ايه اللى تحتى ده
دى بيضة!! هو انا بضت وانا نايم ولا إيه؟!
بس دى بيضة كبيرة أو هأبيض كل دى إزاى
لما أروح أسأل جدو كده
يا جدو يا جدو
نعم يا كريم عايز إيه
انا صحيت من النوم لقيت البيضة دى جنبى على السرير
ها ورينى كده اهو ده اللى كنت خايف منه
إيه يا جدو
أصل أنا زمان لقيت بيضة زى دى أيام ما كنت فى سنك
و عرفت من جدى أن عليتنا فيها دماء التنين
يعنى البيضة دى فيها تنين؟!
ايوة و انت مسؤول عن البيضة دى لحد ما تفقس
يعنى أرقد عليها يعنى
لا يا خفيف حطها فى بطانية و دفيها لحد ما تفقس
طيب هى هتفقس إمتى؟
بعد شهر
طيب هات و أنا هأحطها فى البطانية وأنزل أروح الدروس بقى
و بعد ما حطيت البيضة فى البطانية نزلت أروح دروسى
...............
و بعد شهر
...............
ياااااه أخيرا رجعت من الدروس كل ما أخلص درس
الاقى درس تانى بعده
بس انا فاكر لما نزلت من شهر كنت سايب حاجة هنا
هى إيه هى إيه
اه البيضة .. التنين.. البطانية
هو فين ؟
يا جدو يا جدو يا جدو
ياااه انت رجعت من الدروس يا كريم
ايوة بس مش لاقى البيضة
البيضة فقست إمبارح و التنين فى أوضتى
طيب انا عايز اشوفه
اه ده فعلا تنين زى اللى فى الافلام
مش ممكن يعضنى يا جدو؟؟
لا لان البيضة جاتلك أصلا
اه ماشى طيب هاته بقى
هتعمل بيه ايه
هاته بس هى مش البيضة جاتلى وسع انت بقى شوية كده و مع السلامة
ماشى يا عم
أعملك بيك إيه يا تنين أعمل بيك إيه
اه انا اسيبه لحد ما يتعلم الطيران و اركبه و اطير بيه
و بعد كام سنة التنين اتعلم الطيران فركبته علشان نطير
هه يلا يا توتو طير بقى
و طار التنين بس بعد ما طار بشوية لقيته بيقول
امسك فى جناحى
ايه ده انت بتتكلم
ايوة بأتكلم معاك انت بس
طب طير بسرعة شوية
وىىىىىىىىىىىى
لا مش بسرعة اوى كده
طيب طيب
و فجأة بدأ التنين يكح يكح يكح
يا يا عم التنين مالك بتكح ليه
اصل الهوا عندكم ملوث أوى و انا مش قادر اطير فى الهوا
الملوث ده
اه علشان كده إحنا بنقع دلوقتى
اااااااااااااااااااااه بوم
إيه ده ده التنين اتخنق يا جدعان امال احنا عايشين ازاى
قوم يا تنين
لحسن الحظ كان فى مستشفى جنبنا دخلت جبتله انبوبة اكسجين حجم تنين
قوم يا عم جبتلك اكسجين اهوه
ايوة كده قوم يلا نروح
و بعد ما روحنا جبتله 10 انابيب اكسجين
بص بقى يا توتو انت تشيل ال10 انابيب دول و تتنفس منهم و احنا طايرين
ماشى
و ركبت التنين و طرت لتانى مرة و بعد ما طرنا لقيت بيتخنق تانى
لا لو هتتخنق تانى ارجع البيت بسرعة قبل ما نقع
و رجع البيت بسرعة و وقع هناك
ايه يا تنين وقعت تانى ليه مش أنا جبتلك أكسجين اهوه
اصل الاكسجين ده مضروب و بايظ
ايه ده المستشفى تدينى اكسجين مضروب
بقولك ايه يا تنين روح شوفلك بلد تانية عيش فيها
البلد دى محدش يقدر يستحملها غيرنا احنا
ولا حتى تنين زيك