السلام عليكم

كيف الحال

هل وقفت أمام الثلاجة و فكرت قليلاً

افتح الباب .........



مش محتاج تخبط و لا ترن الجرس

افتح الباب على طول


هتلاقي اللمبة نورت

جميل

ممتاز

اقفل الباب تاني


اللمبة لسه منورة


طيب افتح تاني بسرعه


اللمبة منورة

و بعدين ايه العمل

دي كده ممكن تتحرق لو فضلت منورة فترة كبيرة



طيب اقفل الباب



أطمئن

اللمبة بتغلق اتوماتيك أول ما بتقفل الباب



أول ما تفتح الباب تنور و تقفله تقفل .......
________________________________

لقد قمت بالتجربة بنفسي على ثلاجة 10 قدم و انصح باجراء التتجربة على ثلاجة 12 قدم


الأدوات:


1- ثلاجة 12 قدم من غير صوابع
2- واحد شخص باله رايق و فايق
3- وقت فاضي مش لاقي حاجه يعملها
4- كهرباء من العداد و تكون 220 فولت
5- زجاجة مية في الثلاجة علشان تعمل حجتها كل ما تفتح و تقفل بدل ما تجنن
6- لمبة الثلاجة تكون سليمة
7- شوية صبر


التجربة :


امسك باب الثلاجة باليد اليمنى و افتح ومد يدك اليسرى امسك زجاجة الماء و اقفل باب الثلاجة ثانية و امسك الزجاجه و اشرب مية و افتح الباب للمرة الثانية و ضع الزجاجة و تأكد من الكهرباء تعمل و منظم الثلاجة بحالة جيدة و اغلق الباب و افتح مرة أخرى قائلاً في سرك نسيت غطاء زجاجة الماء و امسك الزجاجة و تأكد من إحكاء الغطاء و افتح الباب و ضع الزجاجة و اغلق الثلاجة جيداً ..............



المشاهدات :


في كل مرة باب الثلاجة يفتح فيها اللمبة الداخلية تضيء للشخص الذي يفتح الباب ، و الغريب أن أي شخص يفتح الباب ستضيء له اللمبة بتلقائية و بدون أي حركة مميزة و لا كلمة سر و لا مفتاح خاص .........


الاستنتاج :


لمبة الثلاجة إقتصادية توفر الطاقة فهي تنير وقت الحاجه فقط .......