السلام عليكم ورحمة الله وبركاته

عيلتي الحبيبة الغالية

أتمنى ليكوا دايما دوام الصحة والعافية

بعد التحية


بابا وماما سافروا إمبارح عشان يأدوا فريضة الحج

ربنا يارب يتم عليهم بخير ويكتبهالنا جميعا وكل اللي بيتمناها يارب

وأنا وصيتهم يدعولكوا

وبرضه عاوزة دعواتكوا ليهم

محتاجينها قووي


مش عاوزة أوصفلكوا المشهد إمبارح وإحنا بنسلم عليهم

فضلنا ماسكين نفسنا لآخر دقيقة وفي الآخر إنفجرنا كلنا

بابا ده ماشفتهوش بيبكي غير نادرا

كان بيبكي في حضننا بشكل رهيب

أول مرة يغيبوا عننا الفترة دي كلها إن شاء الله شهر أو أكتر شوية ربنا يعديهم على خير يارب



إن شاء الله إحنا إستودعناهم الله ومتأكدة بإذنه تعالى إنه هيردهم لينا بخير بفضله وكرمه ويكونوا إن شاء الله تخلصوا من كل الذنوب

وعاوزاكوا تدعولي ربنا يقدرني على تحمل المسئولية دي


وحاجة مهمة جداااااااا جدااااااااااا

شكر خاااااااص للأخ الفاضل ونعم الأخ نور الدرب على مجهوداته ومتابعته وسؤاله الدايم عليهم مع أحمد لأنه هيقابلهم إن شاء الله في المدينة بإذن الله

مش لاقية كلام أقوله الصراحة

وإحنا سعداء جدا بكدة وماما وبابا جداجدا ومنتظرين لقاؤه والله

ربنا يعزه ويكرمه ويحفظه ويباركله في أهله ويكتر من أمثاله ويجعله في ميزان حسناته يارب

وإن شاء الله يطمنا عليهم من خلال المنتدى



هم لسة لغاية دلوقت ماركبوش الباخرة

يللا بقى دعواتكوا