ازيكو .. ايه اخباركم .. النجع وحشنى جدا جدا بجد.. يا رب تكون الناس كلها كويسين..

بقالى فترة مدخلتش اكتب لكن كنت بدخل اطمن عليكو من بعيد لبعيد

كنت عايز افضفض شوية .. واشوف رأيكم ووجهة نظركم ..

حاسس دلؤتى اننا بقينا حاجة غريبة جدا فى حاجات كتيرة اوى

بحس اننا مش صادقين مع نفسنا .. حقيقى بلاقينا بنغير المفاهيم ونقعد نزوقها عشان منزعلش نفسنا

وخد النظرية دى فى كل حياتنا الا القليل جدا جدا جدا

على سبيل المثال لا الحصر .........

ولد عاوز يكلم بنت فى الكلية ومش عارف يكلم دى بالذات يقعد بئا مش عارف يقولك ايه

وانا اصلا مصاحبها دى زمالة وبس وانا عاوز اعرف منها نقطة فى السيكشن دا ( كأن مفيش غيرها اللى حضر السيكشن )


وتلاقى نفس الولد دا قاعد ع النت طول النهار والليل .. لا يا جماعة كلام مع البنات مينفعش دا غلط ومش عارف ايه

حقيقى والله انا شفت النوعية دى كتير اوى اوى

ودا بالظبط بالنسبة للبنت تلاقيها فى المنتدى او النت عموما ليها شخصية معينة وتكتشف انها فى الحقيقة لها شخصية مختلفة تماما


عندى كلام كتير جدا عاوز اقوله خايف حد يقول انى مضلمها وعايش فى عصر غير العصر

بس نفسى نصارح نفسنا بجد الغلط غلط ونقولو قدام الكل حتى لو قدام نفسى وكرامتها

متهيئلى المعنى وصل
بالسلامة

سلامى مع تحياتى

فالانتينو