الخصخصة ليست بيعافقط…انما اعادة هيكلة….دى ناس بتفهم

الحبس سنة لضابط شرطة بتهمة حيازة طلقات انشطارية محرمة وتسبب فى قتل زميله……..هو المحرمة دى مع كل الضباط

تصاعد ازمة الصور المسيئة لمصر فى سويسرا وحواس يطالب باعتذار رسمى……….وانا بقولك حين ميسرة

اطباء بلا حدود تطلب بمحاسبة الخونة…….مين الخونة

الوطنى يحاول تطويق ازمة الاستقالات وعز يتصل بالغاضبين والشريف يقابلهم واعتصام 50عضوفى اسوان والحزب يؤكد ضرورة الالتزام…….هى ازمة اخوان ولا وطنى ماتفهمونا الدور

اصابة 5 بينهم 4 من الشرطة فى معركة السولار …..وربنا يولع فيكم

حبس مقدم شرطة اصاب 6 بالرصاص فى مشاجرة بالجيزة …..هومينفينا الحرامى

قرار جمهورى بتعين 103فتيات فى منصب معاون نيابة ادارية…هما الرجاله ناقصة ولا لازم نتفشخر

سفيرة مصر فى سويسرا تتجاهل الصورالمسيئة وترفض مقاطعة معرض الاثار حفاظا على سمعة مصر…… لا والله بجد مفيش فايدة

شاعر سعودى يمدح الرئيس مبارك بقصيدة شعر فى مهرجان بحضور خادم الحرمين وملك البحرين……هوالريس عندنا هايمسك السعودية

القبض على مرشح الوطنى بدار السلام اثناء تلقيه رشوة…طب ايه الجديد

تصاعد ازمة السولار والطوابير تصل الى500متر….هى عيش ولا سولار

القبض على 12 فى المحلة الكبرى بتهمة تكوين تنظيم جهادى….انا بقول قديمة

مصر تدعو السودان الى معاملة مواطنيها بالمثل …..الله حته السودان احناء بقينا طين خالص

اسماعيل الشاعر يامر ضباط المباحث بركوب السرفيس لمنع استغلال المواطنين…….بصراحة انت شاعر وكلامك يدخل القلب

شهدت محافظة الاسكندرية ضحية جديدة لطوابير العيش بوفاه سيدة متاثرة بجراحها بعد اصابتها فى احد الطوابير …….انا بقول بعد حرب النكسة واكتوبر الشهيدة دى كانت فى الحرب على العيش فاهمين العيش

لجنة الاجور باتحاد العمال تصر على تحديد 800جنيه حد ادنى لرواتب العاملين فى الدولة…… جميل بس الاسعار هاتزيد تانى ودورينى يالمونه

نظيف يقر زيادة دخول الاساتذة المشروطة …وحمدىالسيد يقول الحوافز تنطبق على مصلحة المجارى…….ده طمع بقه غيركم مش بيموت من الجوع

سوال ايه الفرق بين مصر والبرازيل……….الجواب مصر مازالت فى عنق الزجاجة منذ 26سنة والبرازيل خرجتمنها منذ 10سنوات

تولت البرازيل من دولة مديونة ب151مليار الى دولة دائنة ومصر مبارك مازالت تمشى على خط الفقر السريع……… طب ماتركب الصحافة بدل السريع

العالم السرى لورش تصنيع السلاح فى مصر برعاية ضباط الداخلية والخارجين عن القانون….كوم الفرج والسنهرة بكفر الدوار وكفر قرطنة بالمحلة الكبرى اشهرهم…….كريم عبد العزيز فيهم

مصر من الاكتفاء الذاتى الى الانكفاء الذاتى…..الحكومة دى مستوردة

عبد الناصر وزع الاراضى على الفلاحين والسادات الغى التوزيع ومبارك اعاد الاقطاعيين باحكام قضائية ……القانون بتاع مين

فى24 ساعة تحول موقف الرئيس من دعم احمد نظيف الى تميله المسئولية عن ازمة رغيف العيش …….بعدين فى بيتى بان

……………………….بجدعايزاقول ………………………

نفسى فى يوم تطلع الاخبار علينا تقول الرئيس مبارك يامربمحاكمة

المنتفعين والمحتكرين على حساب الشعب

الريس مبارك يقول لا للرشوة والمحسوبية فى كل قطاعات الدولة تشديد العقوبات على الرشوة

نفسى قرار يطلع يقول يعامل الشعب معاملة الانسان

نفسى قرار وزير الداخلية يقول الشرطة فى خدمة الشعب دافعى الضرائب وليس الشعب فى خدمة الشرطة

نفسى قرار من وزير الداخلية يمنع فى عربات الشرطة من الاستخدام المدنى لااهلى الضباط بجد العربيات بقت للمدارس والسوق والخياطة والكوافير والنادى نفسى بس قول يارب ……