شوفوا ايه الى بيحصل


اولا بتدخل المطبخ عشان تغسل الهدوم فى الغساله
وفى وسط انهماكها بدعك الغسيل
تلاقى صرصار تخين مكلبظ
ماشى جمب الغساله تبصله وتقول تعالى لحموااا
تسيب الغسيل
وتنشف ايديها فى جلابيتها
تمد ايدها اليمين وتمسك فردة الشبشب
وبضربة واحدة تدل على مهارتها فى التنشين
يموت الصرصار
ترفع الشبشب تلاقى الصرصار متفعص
تقلب الشبشب على وشه وتبص بلامبالاة
على احشائه اللازقة فى الشبشب عااااادى
تمد ايدها شوية كمان
وفى عتبة باب المطبخ
تحك الشبشب فيها
محاولة منها للتخلص من بقايا الصرصار
تقلب الشبشب وتبص عليه
وتبتسم ابتسامة تدل على انجاز المهمة بنجاح
تحط الشبشب مقلوب قدامها
وتمد ايدها تاخد كوز المية الألمونيا
وتملاه مية من الغساله
وتدلق شوية على فردة الشبشب
وشوية على عتبة المطبخ واخر شوية تدلقهم بطريقة هندسية
معتمدة على تمييل ايديها شمال شوية
محاولة منها لزحلقة جثة الصرصار ناحية البلاعة
تبص للبلاعة بنظرة ارتياح
وهى شايفة جثة الصرصار بتجرى مع المية
وبتختفى فى البلاعة
وتكمل غسيل الهدوم بهمة ونشاط ولا اكن فى حاجه


منقول