سلامووووووووو عليكم يااغفاير النجعاويه


اولا موضوعى عن الجواز وتاخيره بين الشباب والفتيات ومن هنا هقولكم حجات بتحصلنا فعلا

اه والله نشوف بقا وندخل على طوووووووووووووول............

[
بلد زي مصر.. فيها 9 مليون بنت متأخر زواجها غير الملايين في البلاد التانية
معقولة الملايين دي اتاخر زواجهم لأنهم ناس طماعين وعايزين مهر وفلوس ومظاهر .. وكل الشباب فقرا مش لاقيين ياكلوا ؟
ولا لأن النسبة بين عدد الشباب وعدد البنات مش متكافئة ؟؟
ماهم زي النمل اهم في كل حتة
وحتى لو كانت اقل شوية ... هتبقى لدرجة ان يكون في الوطن العربي ملايين البنات بدون زواج ؟! عجيبه دى العيب فين .........

متكملش عارفه هتقول ايه ..................








ملايين ؟؟!!

الكارثة المجتمعية دي مش البنات بس السبب فيها لأنها متعلقة بالشباب كمان ...
وفي أسباب المجتمع مطنشها .. الكل ماسك في سبب غلاء المهور وسايب موضوع تاني وفي نظري هو الأهم .. وهو ان في .







مشكلة في رجالة الأيام دي اه مستغربين ليه ......هو انا هقول كلام غلط كله على يدك ......

المشكلة مش مشكلة اقتصادية بس .. المشكلة مشكلة فكر خاطئ معشش في دماغ الشبان واهاليهم ....... فكرهم ده هو اللي زود تأزم ظاهرة تأخر الزواج

بنات كتير جدا يقولوا احنا ما بنرهقش العريس بالطلبات .. وفي بنات كتير مستعدين يتجوزوا بدون اي طلبات لو الشاب يستاهل

طب فين المشكلة ؟؟
المشكلة ان الشاب بييجي وبيقعد وبيقول انا قدرتي كزا وكزا
يعني تقدر تدفع المبلغ الفلاني لو ما تقدرش قول ما تتكسفش
يعمل نفسه ابو العريف ويقول ايوة اقدر
نيجي بقى ساعة الجد ... اوبا شوفوا بقا ..........



(انا ظروفي صعبة .. ارحمونا .. ايه كل الطلبات دي ..)

للأسف في شباب لما يلاقي ناس هدفهم ييسروا جواز بنتهم
وبنت بتتكسف تطلب بيبقى عايزها تكمل جميلها وتقوله خدني ببلاش ..

طب مش انت راجل عند كلمتك ؟؟ ليه ما قلتش انا ما اقدرش ادفع ولا مليم يوم ما اتفقت مع اهلها ؟؟؟

ولما يلاقي ناس متساهلين معاه يقولك ما استغلهم للآخر واطلع انا الكسبان

بقى في شباب كتير يبرر بخله وأنانيته بكلمة ظروفي صعبة..................... :to2to2: :to2to2:



فكر اخر والله انا مش منحيزة لشباب بس دى وقائع ....................


انا بتمنى اكمل دكتوراه...............

(ايوة طبعا من حقك تكملي لازم تأدي رسالتك في المجتمع انا بحب العلم والمتعلمين وان شاء الله هفكر اني اكمل انا كمان)
طب الحمدلله

نيجي وقت الجد
(انتي هتعملي فيها ارسطو ؟؟ ما هي الدنيا مليانة حملة دكتوراه !... وهتسيبي بيتك وجوزك لمين يا هانم .....)
مش احنا اتفقنا من الاول ؟
(لا الظرف اتغير)

ظرف ايه بس اللي اتغير قولوا انكم مش قد كلمتكم وبقى عادي جدا ان الراجل يخلف بوعده .. وايه يعني ...
نو تعليق براحتك ..............





بعد شوية اتنازلي عن الفرح ..
(انتي فاكرة ان عندك 20 سنة تعملي فرح وتلبسي فستان!)

يعني
باختصار المطلوب في النهاية عشان البنت اللي اتأخر جوازها تتجوز يتكتب كتابها وتروح معاه مفيش في ايدها غير شنطة فيها بيجامتين وبلوزتين ومشط ...على اي بيت هو يختاره وخلاص.. وتكمل جميلها بقى وتخلي اهلها هم اللي يدفعوا اجرة المأذون بالمرة...............هيصا بقا






طب اي بنت في الحالة دي هتعمل ايه؟؟ اكيد الرفض و مش عشان الماديات
الرفض بيبقى لأن اللي بيعمل كده لا يمكن يكون راجل محترم................

ويجئ يقول سياده المحترم .........(اصل دول ناس طلباتهم كتير ... ناس ما بترحمش )...........لاتعليق ............




مشكلة تانية في فكر الشباب..........دى بقا لشباب الفاضيه معلش ...............

شاب ظروفه على قده .. وعايز يتجوز ...
(عايزها ملكة جمال ..وما تزيدش عن 22 او 24 سنة .. متدينة .. متعلمة .. واهلها ناس محترمين ... دمها خفيف ... صوتها زي الكروان
الوزن من 55 لـ65 كيلو ... كيلو واحد زيادة مش عايز
الطول من 163 لـ 167 .. سنتي واحد زيادة مش عايز
لون عنيها اخضر مائل للزرقة ... مائل للبني مش عايز



والله العظيم بنسمع عن طلبات الواحد مش عارف يضحك :] ولا يعيط عليها

يا اخي مش انت حالتك على قدك ؟؟ وتيجي عايز تتجوز وحدة بالمواصفات دي ومش عايزها تتشرط هي واهلها عليك ؟؟


طب بما انك شاب عندك 29 او 30 اتجوز بنت من سنك .. واغلب البنات اللي اتاخر زواجهم كل اللي عايزينه راجل محترم ومش هتتشرط كتير عشان جوازتها تتم

( لا طبعا ما اتجوزش وحدة عندها 29 او 30 .. دي خلاص عجزت ... )

بيبقى عنده في فكره ان الزوجة لزماً وحتماً وبدون نقاش أو مفاوضات لابد تكون أصغر منه بخمس سنين على الأقل

يابنى هى جزمه هتشتريها انت غريب اووووووووووووى




معلش الموضوع طويل بس طولوا بالكم وحضروا كوبايه شاى وكملوا قرايه ...................






ليه ما بتاخدوش رسول الله قدوة ليكم ... لو في ايامينا شاب عنده 25 سنة وفقير زي ما كان رسول الله
وقالوله اتجوز (سيدة مش آنسة) فاضلة ومحترمة وسمعتها زي الفل وعندها 40 سنة ... تفتكروا يقبل؟؟؟

( وانا ليه اعمل في نفسي كده ؟!!! منا شاب زي الفل...................طيب ياعم براحتك .............


مشكله تانيه ودى موجوده كتير اوى الايام دى ...................

لو ارتبط الشاب ببنت فيها المواصفات اللي عايزها وحصل معاها مشاكل يفضل متنح
مش عايز يسيبها ... طب اذا هي بنت متعبة سيبها والبنات كتير ودور على وحدة صاحبة دين واخلاق ...
( لا خلاص .. دي دخلت دماغي ..)

وبعد الجواز تيجي المشاكل اللي توصل للطلاق والمحاكم
و يعيش تعيس ... وبنات كتير زي الجواهر قاعدين في بيوت اهاليهم محدش مقدرهم ولا معبرهم


وتلاقى فلانه اللى هى استغفر الله اتجوزت وبين جوزها وبينها مشاكل للركب طيب يابنى اشرب انت بقا
ماانت نشفت دماخك ...................



انا خلصت كده بس لو قلت كلام غلط يبقا الحوار مفتوح










شباب بقوا يفكروا بالطريقة دي طبيعي جدا تظهر مشكلة تأخر الزواج في المجتمع اللي هما فيه
تعالوا اسألوا اغلب البنات اللي اتأخر زواجهم أغلبهم بنات على مستوى عالي من الاخلاق والتربية والشهادة والجمال كمان
كل وحدة فيهم اتخطبت قبل كده اقل حاجة مرة
وفي اتنين
وفي تلاتة واربعة
اخر شئ ...............









لو الشباب اتغير وصحح تفكيره وسلوكه .. الظاهرة دي هتنتهي
واللي هيقول لا في ناس بتحب المظاهر وما بتتنازلش
اقوله وهم الشباب ليه يروحوا للناس دي ويمسكوا فيهم ؟؟؟
أصل رموش بنتهم مقوسة 180 درجة .. مش قادر يقاوم .. ويخطبها ويبدأ يدور على عقد عمل في بلاد واق الواق مدته 250 سنة عشان يحوش المهر ...

يبقى المشكلة في البنات بس ؟؟ .. وفي الأخر يقولوا على البنت اللي اتأخر زواجها عانس وبايرة ... طب والشباب اللي من النوعية اللي ذكرناها دي واللي بيساهم هو واهله في تفاقم المشكلة ... مايعتبرش باير ؟؟ولا عانس مهو برضوه اللى عمل كده فى نفسه ولا ايه ؟؟؟؟؟؟؟؟
















والنهايه افهموهااااااااااا بقا

[/color]