السلام عليكم

ازيكو يا نجعاويه،،، انا اسف عن الموقف الي حاصل

وهو توقف الموقع للفتره دي كلها

و انا باسميها فتره استهبال مش توقف

الشركه المتفق معاها انها تنفذ تطويرات الموقع

مكنش في اي نوع من المسئوليه ولا احترام الكلمه

وتقريبا مفيش اي التزام اتفق عليه حصل في معاده

المفترض ان الموقع كان يتسلم قبل ٩ ديسمبر

وكل دي تأخيرات في الهوا

اخر حاجه بعد غلق الموقع لاسبوعين

والي هو كان من المفترض ان التوقف دا يكون من تلت ساعه ل سعتين او نص يوم بالكتير اوي

الموضوع ابتدي يكبر يكبر

ومفيش حاجه عاوزه تخلص

ولما قررنا اننا نفتح الموقع امبارح باخر شكل وصلناله احسن ما هو مقفول و خلاص

وطبعا كان شكل الموقع و امكانياته سيئه جدا

المفترض ان الموقع كان هيبقي حاجه كبيره جدا

وفيه امكانيات كتير جدا

ومميزات اكتر

ممكن اوصفلكم ببساطه

ان نسخه المنتدي الي احنا شغالين بيها دي مجانيه

احنا اشترينا نسخه تمنها بس ( كبرمجه ) حوالي ١٨٠٠ جنيه

اخر و احدث حاجه نزلت في المنتديات

تخيلوا مدي قوتها و مدي امكانيتها الي مش موجوده في اي منتدي عربي

دا غير تكاليف التنفيذ

الموضوع كان حوالي ٣٢٠٠ جنيه

كنت بدفع كل شهر ١٠٠٠ جنيه تقريبا

وبالنسبالي توفير المبلغ دا مش بالحاجه الهينه خالص

بس كنت بقول كله يهون

طالما المنتدي هيبقي حاجه كبيره جدا و تشرف بجد قدام الناس

لكن الي حصل عكس كدا خالص

الموقع اشتغل امبارح بالشكل الجديد

بعد ما كنت جبت اخري

وزوري وجعني من كتر الخناق في التليفون مع صاحب الشركه


اشتغل الموقع و حصل كميه مشاكل رهيبه

ان تعبت فعلا

الشخص المسئول في التعامل معايا شايف ان الموقع خلص

وفي الحقيقه ان شايف انه سئ جدا جدا جدا

وما يستاهلش ربع المبلغ دا

وكل ما اطالبه بالحاجه الي في اتفقنا

يقلي لاء انسي ما ينفعش

انا قلت يا بخت من بات مظلوم ولا باتش ظالم

انا هديله حسابه كامل

والموقع القديم يشتغل زي الاول

بعد كدا لما ربنا يرزق بفلوس تانيا

ابقي ادور علي شركه محترمه تنفذلي الي انا عاوزه و يكونوا قد كلمتهم

انا بعتذر مره تانيا اني مكنتش عند ظنكوا بيا

بس بجد انا حاولت علي قد ما اقدر



اخر حاجه بقي

هو كدا كدا الرسايل الخاصه كانت هتشتغل في المنتدي الجديد

هي ان شاء الله متاحه للاعضاء اكتر من ١٠٠ مشاركه ( راقبوا ربنا فيها بقي )