السلام عليكم

ازيكوا يا نجعاويه

بصوا بقي.. انا اعتذرت كتير و قليل عن قفل الموقع

حقكوا انكو ما تقبلوش اعتذاري المرادي كفايه اني ضيعت عليكم اجازه نص السنه

بس انا عارف و متأكد انكو هتقدروا المشاكل الي حصلت

الموضوع دا انا بفضفض معاكوا علي الي حصل

الموضوع كان اكبر من كل مره... اكبر من انه مشكله برمجيه... الموقع بيقع

السيرفر فيه مشكله


الموضوع بدأ من المره الي فاتت

لو تفتكروا لما حصل توقف للموقع اسبوعين اثناء اجراء التطوير والي صاحب الشركه المستضيف للموقع و الي كان هيقوم بعمليه التطوير كمان

تقريبا نصب عليا في ٢٤٠٠ جنيه

وطبعا انتو شفتوا الخيبه التقيله الي حصلت

واصلا بوظ الموقع

ورجعلنا نسخه قديمه جدا

ساعه لما راح من الاعضاء مواضيع كتير جدا

المهم جيه القرار هنا بإني هنقل كل شغلي الي عنده لشركه استضافه تانيا


رحت شركه تانيا ... محترمه جدا و كبيره جدا

وتكلفه الاستضافه عندها تقريبا اربع اضعاف السعر عندوا

وبدأت من هنا المشاكل رافض تماما انه يتعاون معانا في نقل الموقع

وكل مره ننقل يطلع بمشكله جديده

ويتهرب مننا مره

ويقفل السكه في وشنا مره

والي عاجبكوا اعملوه مره

وروحوا اشتكوني مره

وكان تقريبا الموقع انتهي

لدرجه و الله اني فكرت في مره خلاص

دي كدا نهايه الموقع


وكان في احتمال قائم جدا

اننا نحجز دومين جديد

و نبدأ الموقع من الصفر تاني

ربنا كرمني بمبرمج اعرفه كنت قابلته زمان

اسمه هاني .. و بشكره جدا علي وقفته معايا


وانه استحمل معايا المعانه دي

والله انا مش عارف من غيره كنا هنعمل ايه

( المشكله اني بحاول اقنعه اني اخطب سلمي بنته - سنتين - وهو بيقلي بعينك )

الحمده لله من هنا لهنا لهنا قدرنا نجمع الداتا بيز الموجوده دلوقتي

انا مش عارف هي ايه مشاكلها لحد دلوقتي

هي قديمه شويه

وهتلاقو الموقع محتاج شغل كتير جدا

المشكله القادمه الي لسه مش عارفين ليها حل

وهي عنوان الموقع se7o.com


وارد جدا اننا ما نكملش بيه

عموما دا العنوان الجديد بتاع الموقع

ng3awya.com
ودومين تاني

nag3awy.com

نجعاويه دوت كوم

و نجعاوي دوت كوم


غالبا الاول هيبقي هو الاساسي

بس حاليا ماشيين في عمليه تحويل كل الروابط عليه

و اول ما يكتمل هنعمل اعلان بيه ان شاء الله لكل الناس

حاليا انا محتاج مساعدتكم معايا في بعض الحاجات

بعد ازنكم الموضوع هنا هيبقي تبليغ عن اي مشكل حصله في الموقع

يعني اي حد يلاقي مشكله او ملاحظه او اي حاجه متغييره عن القديم يكتب هنا علطول

ولو حصل و ما عرفش يكتب لأي سبب

يراسلني علطول علي

se7o.com@hotmail.com

بشكل عام كدا انا شايف السمايلز مش موجوده اصلا

ومفيش سمايز في الرد السريع

والبانر القديم هو الموجو

و الالوان جايه علي اليمين


منتظرين تبليغاتكم يا جدعون :)

سلامو عليكو