ازيكو يانجعاويات
النهارده جاتلى فوكيره كده احنا ليه دايما بنزل مواضيع منقوله
وطقت فى دماغى اننا لازم يكون لنا احنا كمان ابداعاتنا الخاصه
اكيد كل واحده مننا بتطبخ يوميا
طب ايه المانع اننا نصور اكلاتنا اللى بنعملها يوميا وننزلها
مش هتاخد مننا كتير
وعلشان كده قررت انى اقود المسيره وابدأ
وهتحفكو بأكلاتى ويمكن اقرفكو
بس مش مشكله
هجرب وعايزه ارائكوا بكل صراحه


نبدأ على بركة الله
اول طبخه لطشتها من صافى حسام عجبتنى وقمت نفذتها هوااا

دجاج بالخضار فى الفرن



طبعا مقاديرى على حسب عدد افراد اسرتى
واكيد كل واحده هتستخدم المقادير اللى تناسبها
2 دجاجه مغسوله جيدا بالملح والدقيق والليمون للتخلص من زفرة الدجاج
خضروات مشكله (النوع اللى تحبيه)
انا عملت بطاطس وبسله وجزر وشريحة فلفل رومى وواحدة طماطم
بصل مفروم ومتبل بالملح والفلفل الإسود
اما التتبيله الخاصه بالطبخه عباره عن
2 ملعقة طعام صوص الصويا
4 فصوص توم مفروم
ملح وفلفل اسود
ملعقه صغيره زنجبيل ناعم
ملعقة بهار مشكل





هنا الخضار جاهز ومتقطع



وشققت الفراخ وتبلتها كويس بالتتبيله وحشيتها بالبصل المتبل بالملح والفلفل الإسود



وتبلت الخضار برده بنفس التتبيله وحطيتهم فى كيس الشوى الخاص بالفرن



وحطيت الصنيه فى الفرن لمدة ساعه تقريبا وخرجتها وده شكلها



وهنا فضيتها من الكيس وحطيتها ف طبق التقدبم وده الشكل النهائى للطبق




يتبع ومتجدد