مصر بلدى


فى الاول

مصر بلدى

[size=13pt]قبل ماتش مصر والجزاير فى السودان

حاولت اكون محايد بين البلدين


رغم ان انتمائى وحياتى وطفولتى وجنسيتى مصرى

عشان قدام ربنا مايجيش يوم ابقى فيه مساهم ولو بواحد فى الميه بفتنه بين بلدين اخوات


لكن الحقيقه بعد الاهانه والغدر اللى شافوه اهلى وبلدى

خصوصا ان الجزاير ماردتش باى اعتذار حتى الآن


وانا لا احترم من لا يحترم بلدى

الاغنيه دى اقل حاجه اقدر اقدمها لمصر بلدى


مهما دورت ولفيت.....غيرك وطن ما لقيت

ذكريات طفولتي فيكي....وبالنسبالي انتي البيت


انتي الحب ...انتي الطيبه

فيكي اتربيت...انتي جنسية امي اغلي من حبيت


في الغربه بره ببقا تهت وانتهيت...باندم وبسال نفسي...طيب ليه انا مشيت

لو كنت فيكى صبرت وكل جهدي حطيت وفدتك باللى عندي ومن جوا قلبي اديت ...


واغرس فى ولادى حبك اكتر مانا حبيت

هتبقي احلي جنه


اأمن امان بيه حسيت

مش ممكن ابدا مهما يكون هنرضي بغيرك انتي بيت...


هيقول حفيدي في يوم بقبر جدي مريت

عزه النفس الهويه حب بلادي شميت....


مش ممكن ابدا ارضي بغيرك انتي بيت......

مهما دورت انا ولفيت الدنيا شرق وغرب .....مافى غيرك انتي يا بلدي ابدا جوا القلب


.....مهما دورت انا ولفيت الدنيا شرق وغرب.............ما لقيت غيرك انتي يا بلدي ابدا جوا القلب

لما بكون مسافر وارجع ماسك طريق


بفتكر كل حاجه فيكي بتصوير بطيء

شارعى واهل شارعى عاملين زي الفريق محدش فيهم يقدر يفوت جاره في ضيق


بيكون له اكتر من الاخ و اصدق من الصديق

جوا كل حاره فيكي سلو و اصول


لو في يوم اتنين اتخانقو..ده يقول وده يقول

تلقي ديما فيه كبير بيترجعلوا في الحلول


بفتكر لما كنا عيال صغيرين في الشارع

بنبني الجون من طوب بنهاجم وندافع


ونخلص الماتشات ونروح ونشرب من الجامع

وقبل الدنيا ما تليل للغى اكون طالع


اطير الحمام مع صحابي ونتابع

ويحط الليل علينا وكله لبيته يكون راجع


احلي جو في العالم ....طول الاربع فصول

ليلك له احلي سحر بدعي ديما انه يطول


فيكي اقوي المواهب...فيكي اذكي العقول

فيكي طاقه بشر جامدين بشكل مش معقول


خفه دم شعبك ده فى مدينه او في ريــف

حول كل مشاكله لنكت دمها خفيف


من زحمه الشوارع لحد حجم الرغيفحتي في عز الكوارث...تعليق ظريف يضيف جدعان طيبين وبقلب ابيض كبير

حتي المناسبه في مصر برده ليها طعم غير


رمضان اول عيدين ان كان صغير او كبير

تلقي الناس في الشارع فرحانه و بتوزع خير


احن قلوب ستات في الدنيا ورجاله بتغير

لو منتخبنا جاب جون الشارع كلوا بيطير


قولي طيب ارضي ازاي انا دلوقتي بوطن غير

مهما دورت انا ولفيت الدنيا شرق وغرب .....ما لقيت غيرك انتي يا بلدي ابدا جوا القلب

مهما دورت انا ولفيت الدنيا شرق وغرب .....ما لقيت غيرك انتي يا بلدي ابدا جوا القلب


يا ليلي يا ليلي يا ليل ...



منقوله علشانكم