السلام عليكم و رحمه الله و بركاته

تـــعالى ياعــم الكــوبرى ! !


بقالي كام يوم عاوز اكتب التوبيك ده

بس مش عارف اكتبه ازاي عاوز احط للتوبيك اساسيات بمناسبة بقى الكباري و كده فهتكلم بلغة البنايين :]



النهاردة هتكلم عالكباري طب ايه المشكلة فى كده ؟؟

عندنا كوبرى 6 اكتوبر وكوبرى ستانلى



وكتير من الكبارى ربنا يزيد ويبارك ....



بس انا مش جاي عشان دول ..


اصل الكبارى انواع برضه



انا جاي اتكلم عن الكبارى البشرية حلو المصطلح ده ؟

ههههههههههههههه

طب ايه هو اساسا تعريف الكوبرى ؟؟

هو الوسيلة اللى تعديك من مكان لمكان للوصول لهدف معين



الكبارى البشرية برضه وسيلة اننا من خلالها نوصل لهدف عايزينه


بنشوف كتير واحد وصولى يعرف فلان وفلان وفلان عشان يستفيد من وراهم

بمعنى اصح عاملهم كبارى لاغراضه ..



وتلاقى برضه واحد يصاحبك عشان مصلحة جاية من وراك



وتلاقى واحد عارف انك قريب فلان بيه فيتعرف عليك عشان يوصل لفلان بيه

بالتالى بقيت كده ولا كوبرى ستانلى :]



دى بتوصل حتى ان واحد يعرفك عشان سيجارة وتبقى كوبرى سيجارة



اكيد قابلنا ولو نوع واحد من اللى فاتوا دول


انت ايه رايك بقا حضرتك ف الكبارى دى هل هما ناس معندهمش شخصية ؟

مش هتكلم عن اللى بيعملهم كوبرى لانه بالتاكيد شخص بتاع مصلحته

بس مبقاش حد اهبل عشان يعرف انه بيتعمل كوبرى .. ولا لسه فيه حد اهبل ؟؟

طب انت لو اكتشفت انك بتتعمل كوبرى من شخص معين تعمل ايه ؟؟



ونرجع ونقول تعددت الانواع ويظل الكوبرى هو الكوبرى


خلى بالكم من نفسكـم بقا

ويجعله عامر ... سلام




منقول