&* أدينا ماشيين .......... أدينا عايشيين *&






أدينا ماشيين


تعبانين وبندوس على نفسنا عشان غيرنا ومستحملين

بنشوف الغلط قُدام عنينا ألف مرة وبنعدي وساكتين


وأدينا عايشيين


قلوبنا ماتت وبتتقطع من اللي شايفين

بنطبطب على نفسنا عشان أيامنا تعدي وموجوعين


وأدينا ماشيين


بنكتم الهموم والأحزان في نفسنا وصابرين

بنموت كام مرة في اليوم والإسم عايشين


وأدينا عايشين


ومش عارفة ده كله هيودينا لفين !!!

ولا عارفين هنقابل مين ولا هنفارق مين !!!


وأدينا ماشيين


وإحنا بنعترض ومش راضيين ؟؟؟!!!

ما هو ده كله مكتوب عند ربنا من مئات السنين

وأكيد في حكمة من كدة بس إحنا مش عارفين

وأكيد في خير كبير بس إحنا مش حاسيين

اصبر يا قلب وما تبكيش يا عين

يارب رحمتك وعفوك إنت المُستعان والمُعين