بمبة في الحياة
حتة بمبة انما ايه
خدها في ضهره ياختي عليه
ايوه ابكي عليه يا عيوني
واوعي تغمضي كده يا جفوني
كان عايش و دي راسه مصيبه
قال ايه ... جاته نيله وخيبه
ولا حرّم نومة التخشيبه
ايوه ابكي عليه يا عيوني
واوعي تغمضي كده يا جفوني
قال بيقول ايوه ده انا امير
و ايه يعني ؟!! ما هو برده اسير
عمره ما فكّر يوم يتغير ... يبقى قصير
طاطي يا سيدي ... بوس الايدي
عدي و هدي اللعب شوية
خليك دايما حسن النية
لأحسن والله ما يبقى فيه دية
لو سحبوك مع كومة القش
ابرة في قش و وشّ
وانسى...انك تعرف هشّ و نشّ
وانسى بقى اكل البقلاوة
هتقضيها عيش وحلاوة
غصب عنك او برضاك
كله تجاوز كده ونساك
امالّ ايه ... تبقى دي ايه؟!!
بيعة و شروة تدخل فيها
اوكازيون كده جاي معاها
بمبة هدية تأخدها عليها
ابشر ابشر... خدت البمبة
طفي اللمبة
سك العنبر ... وانسى النامبر
اصلك مش محتاجه خلاص
دورك محفوظ بين الناس
دوا مجرب من غير لوم
تأخد البمبة قبل النوم
بس في ضهرك ياختي عليك
ايوه هتبكي عليك عيوني
ولا هتغمض لحظة جفوني
...........................


يا رب تعجبكم كلماتي
عاوزة رأيكم بصراحة
مشكورين على الردود مقدما