[السلام عليكم ورحمه الله وبركاته
سامحوني بجد انا هتكلم في موضوع جدي جدا وصريح واحنا عارفين بردو ان الصراحه راحه والي هقوله دلوقتي مش بقصد بيه اعضاء معينين

اولا :الي بياخد وسام المبدع او اي وسام بيكون ناقل كل مواضيعه من منتديات تانيه وياريتها موااضيع مفيده دي سامحوني مواضيع تافهه بجد مهاش لزمه تضحك الناس شويه مقولناش حاجه لو هضحك ناس بيكون موضوع او حتى موضوعين بس مش كل حاجه عاملاها يعني علشان تضحك الناس وفي الاخر الاخ او الاخت الي بيعملوا كده ياخدوا اوسمه ملهاش حصر وكمان يكونوا مشرفين

ثانيا :واحد او واحده مختارله منتدى تاني ينقل الي فيه في المنتدى بتاعنا والله واعلم ممكن ينقل خمس مواضيع في خمس دقائق ومواضيع بردو ملهاش لزمه ويبقى اخد وسام المبدع

وواحد تاني مواضيعه كلها العاب تافهه لا هتودي ولا هتجيب بيخلوه ياخد وسام المبدع علشان .......... بيعمل نشاط في المنتدى بالعاب ملهاش لزمه لا وكمان تبقى الموضوع بتاع الالعاب التعليقات الي فيه توصل لغايه 20 رد بقليل جداا وتكون كمان من المواضيع المثبته وياخد وسام المبدع بردو

وحاجات كتير جدا غير الي انا قولتها

طيب اقولكم حاجه من الاخر ليه متتقوش ربنا في الي بتنقلوه والله دي اكتر حاجه مخلياني ادايق من المنتدى

ملاحظه :: مش معنى اني عمري ما اخدت وسام معناها اني غيرت من الي خدو او حقدت عليهم

بصو متزعلوش مني انا والله بحبكم كلكوكم وعلشان بحبكم بنصحكم مش اي موضوع تشوفوه ممكن يضحك الناس تحطه في المنتدى وتكتر من مواضيعك علشان الناس تحبك وتاخد اوسمه

الناس عمرها ما هتحب حد بيريح نفسه وبينقل المواضيع

الناس بتحب الحاجات الجديده عايزه بجد ابداعات مش مواضيع منقوله

وانا هقولكم المبدع من وجهه نظري هو :الي خياله واسع بيجيب افكار من راسه بيبدع بجد بينفع الناس بجد بمواضيع هادفه ومفيده وهدفه الوحيد انه يخلي المنتدى بتاعه احسن منتدى موجود ويفيد الناس وميهمهوش اذا مردوش عليه هو الي بيعمل الي عليه والباقي على ربنا دي هي وجهه نظري


وبكررر اعتذاري اسسسسسفه اذا زعلت حد منكم او جرحته كله علشان مصلحه المنتدى

شكرا لحسن استماعكم وعايزه رايكم

وشكرا ليكم [/]