[size=10pt][size=10pt][size=10pt]كل سنه وانت طيب جمله معروفه بنقولها فى كل مناسبة زى العيد رمضان عيد الحب عيد
الام اى مناسبة حلوة

ولكن الغريب ان هذة الجمله لم تعد تقال فى المناسبات فقط كما اعتدنا فقد اصبح لها
معانى واستخدمات اخرى غير المعنى الجميل الذى خصصت من اجله فلا تندهش عندما تدخل
سينما او مسرح مثلا وتجد يقول لك كل سنة وانت طيب على الرغم من انه لاتوجد اى
مناسبة ولكن ما عليك فعله هو ان تقوم بترجمة فورية للجمله

وتفهم فورا انة بيطلب فلوس والفلوس دى لاتندرج تحت اى مسمى ولكنها اصبهت اجبارية
حتى تضمن الجلوس فى مكان مريح

وكل ماهتدفع اكتر هتستريح اكتر

اما اذا كنت بتتكلم مع حد فى موضوع وفجأة يقولك

يا عم انت لسة فاكر ما خلااااص كل سنه وانت طيب وهنا تفهم ان الموضوع انتها من
زمان

او عندما تذهب للدكتور او اى مكان وتلاقيه زحمة وانت طبعا عايز تخلص فكل الى عليك
ان تخرج من جيبك الى فية النصيب وتضعهم فى يد المسؤل عن الدخول وقل له

كل سنة وانت طيب

وهتلاقى كل حاجة بقت تمام

واحيانا تدخل محل تشترى حاجة وفجأة تصطدم بالاسعار ولما تسأل يرد عليك البائع

احنا فى موسم .... كل سنة وانت طيب

والغريب ان طول السنه موسم
[/size] [/size] [/size]
حاجة غريبة الكلام اتغير معناه وبقينا بنحورة عشان يتماشى مع حياتنا اليوميه وفقد
جماله ومفيش حد همه كله بيتكلم اى كلام المهم يتكلم واختراع الكلام مفيش اسهل منه
والمصريين بالذات عندهم قاموس مفيش اكبر منه وكل يوم فى زيادة

بس السؤال

لية كل سنه وانت طيب ؟؟؟؟؟