فى وسط الموسيقى والحفلة ما هى شغالة والكل ملهى مع اللى معاه

دخلت انا اوضة مديرى مستخفيا وربنا سهل_ قصدى الشيطان _انى اخد كل الفلوس اللى كانت فى مكتب المدير

وكانت كتيرة جدا ..اول مرة امسك فلوس كتير اوى زى كدا ( 10 الالف جنيه )

وخرجت ومحدش شافنى خاااااااااالص ....

روحت البيت عشت حياتى سعيد جدا فرحان جدا ( انا بقيت غنى غنىىىىىى )

كل اللى ماما عايزاه اجيبهولها واقولها لان المدير حببنى وبيدينى حوافز.. وهى غلبانة صدقتنى .

اخواتى اى حد فيهم عايز حاجة تحت امركو .. اخدتهم فسحتهم فى اماكن فخمة اوى عيشتهم احلى عيشة .

فى يوم صحبى كان عايزنى فى خدمة اسافر معاه لغاية اسوان هيخلص موضوع تبعه

طبعا انا ابو الجدعنة رحت معاه ..قعدنا هناك حوالى 3 ايام

فى خلال الفترة دى حصل اللى انا عاوز اقولكو عليه من الكلام دا كله..

ماما دخلت اوضتى كانت بتروقها... وتهويهاا وتفتح البلكونة وتظبطها كدا يعنى ....وفجأة لقت تحت السرير الفلوس اللى كنت مخبيها

جه فى بال ماما حاجات كتير جدا غير انىأعمل كدا ..

بس فى الاخر قعدت تسترجع كلامى وعرفت فى الاخر انى سرقت ..

نزلت عليها كالصاعقة... أحمد ابنى يسرق .. ابن بطنى يسرق... ابوه مات وانا اللى مربياه يسرق ...

يا رب دا انا عايشة بالحلال ومعيشة عيالى بالحلال ...

طفحانة الكوتة عشانهم وعشان يطلعوا متربيين ييجى راجل البيت ابنى اللى مليش غيره يسرق ..

اعمل ايه دلؤتى وسكتت وتعبت مبقيتش تاكل ولا تشرب.. عايزة تتاكد منى انا لما ارجع من السفر ..

ورجعت انا بعد 3 ايام زى العسل قضيتهم فى اسوان مع صحبى.......

دخلت اوضتى بدور عالفلوس ... ملقيتهاش قلبت الاوضة عليها بردو مش لاقيها ..

رحت سالت ماما حد دخل اوضتى يا ماما قالتلى ليه ؟!!!!!

عايز الفلوس ....

ذهلت معرفتش اقول ايه .. (امى عرفت خلاص يااااااااااااااه )

معرفتش اتكلم بعد كدا
قالتلى عايز الفلوس ...ليه تسرق يبنى.. ربيتك.. وكبرتك ..وعلمتك.. ليه بتسرق

انت معندكش قلب ولا احساس

بدل ما تقف جمبى وتشيل عنى تقف قصادى وتسررررق .......

اروح لابوك فى تربته اقوله معرفتش أربى ابنك ..

ليه تعيشنا من حرام (( يا ماما بس اسمعينى ..)

روح خخد فلوسك عيش بها لوحدك ( يا ما... )

معنديش ابن اسمه أحمد ..

أحمد ماااااااااااااااااااااااا اات ....