السلام عليكم
بعد السلام و التحية و اللذى منه
احب ابشركم ببدء حملة النكد العالمية الموضوع ده هيكون ان شاء الله بداية لسلسة نكد متواصل تفكرك بالهم اللى انت عايش فيه
هنبتديها بالفساد الاخلاقى فى مصر
و متقولش ايه يا بنتى الكلام الكبير ده و فساد اخلاقى ايه بس
طب من اولها عشان نكمل سلسة النكد كويسين مع بعض لازم ما تقطعوش تسمعوا و بعدين تعليقاتكم
طبعا كان المعروف ان اللى مخنوق و زهقان و طهقان من عيشته ينزل الشارع يتمشى و يطلع يفك دلوقتى اثبتت الدراسات بتاعتى( و ما تعلقوش اه انا باعمل دراسات ) فشل الطريقة دى الواحد بيكون مخنوق من الناس و مش طايق نفسه ينزل يتغم اكتر طب ليه
طب تعالوا نستعرض اليوم كل واحد نازل الصبح متفاؤل و بيقول يارب خير و اكرمنى ينزل بقى و يشوف المناظر اللى تغم النفس
عالصبح كل اتنين ماشيين انكجيه و ماسكين ايدين بعض و تلاقى الواد شغال اسطوانات و البنت عارفة و اهى بتتسلى لا اله الا الله يارب اعفينا تدور وشك
تلاقى شلة بنات عجب معدية و لا بسين اللى ما يتلبسش مع ان الولد من دول يكون نازل ناوى يغض البصر فى منهم اللى بيقدر والاغلب بيفشل طب يغض ازاى اصلا وهو شايف بنات كتير كده طب ده احنا البنات بنتفرج و نعلق يبقى هم مش هيعلقوا و اللذيذ بعد كده تلاقى البنت طالعة فى برنامج بعد كده بتاع حوادث و تقولك الشباب بقوا قلالةالادب الشباب بقوا وحشين لا دول بقوا فظاع خلاص و عمليات الاغتصاب كترت طب ما تشوفوا انتو بتلبسوا ايه و بعدين تطلعوا تتكلموا و لا تشوفوا الاغانى اللى عالفضائيات طبعا انا مش ببرر الاغتصاب لكن اذا وجدت مشكلة فابحثوا عن السبب
و لا باقول انالمفروض ماتغضش بصرك لا المفروض تغضه لكنفى بيئةتشجعك و بيئة تشجعك برده بسالتانية تشجعك على انك ما تغضش لكن فى النهاية اهو بصركو ذنوبك الللى هتاخدها مع ان فى بنات اعرفهم و كتير بيلبسوا كده ومش فى دماغهم حاجة يعنى ببيبقى بطيب نية و تعود على انهم يلبسوا حسب الموضة مش اكتر و دى بقى مشكلة الاهل لانهم عودوا عيالهم على كده
طب سيبكم من ده خلاص دورت وشى من البنات لقيتلك شلة ولاد جاية انما ايه الحظاظة و البنطلونات الساقطة و الافرو اللى بقى موضة و اللى لابسين سلاسل و دى بقت حاجة عادية جدا على فكرة مع ان لو يعرفوا منظرهم بيبقى قد ايه قذر و زبالة مع احترامى يعنى
طب خلاص دخلت المدرسة و لا الكلية و لا الشغل طبعا انا هاحكى على اللى باشوفه كبنت ادخل واحدة صاحبتى معيطة فى ايه يا شابة بس ؟اصل الواد اللى طلع عيل صاحبها سابها و ادى مواعظ وانسى و ده اللى متوقع و بتكون متشحتفة يعينى و الدليل انها بعد كام يوم بتشوف غيره او تتخطب و لا عجب فى ذلك طبعا انا باتكلم على شريحة معينة فى بنات طبعا بتفضل عالذكرى و اسمحولى ده هبل الحياة مش هتقف على حد واحد و ياما تجارب بتفشل و دى العادة و الله و تحس انها فشلت عشان ربنا ما باركش فيها و اصلا المرتبطين روحيا و روحهم بترفرف فى السما دول مع احترامى برضه بتلاقى معظم ايامهم مع بعض خناقات و غيرة اصل مشاكل مع اهلى و ده الحب لحظات السعادة فيه بتبقى قليلة و محسوبة
و اللى برضه بتنتهى قصة حبهم بالجواز برضه تلاقيهم عارفين بعض من 4 او 5 سنين و اتجوزوا يقعدوا مع بعض شوية و يملوا و ما بيبقاش فيه كلام يتقال اصلا طب انا راضية ذمتكم خمس سنين تكون كل حاجة اتقلت طبعا مش كلهم فى اللى بيحافظ برضه على حبهم و دى فئة قليلة
على عكس الجواز اللى بيتم من الاخر بخطوات ترضى ربنا بيبقى كله سعادة مش كله كله يعنى عشان ما نفشرش لكن بتختلف و بعدها بتيجى سحابة الملل اللى بتظلل على كل جواز فترة و يا عدوا يا عدوا برضه بس بالمشاكل و مش بعيد تكون جات سمكة البحر التانية عالمركب و تربعت و الست الاولى يعينى يا ترضى ياعلى سفينة امها قصدى على بيت امها
نخرج بقى من المية و القروش و عالم البحار نلاقى ان معظم الشباب المرتبطين يقولك انا ما امشيش مع واحدة صاحبت قبلى ما انت لما تصاحب و تسيب و غيرك يصاحب و يسيب مش هتلاقوا حد فوقوا دى اعلنت مؤشراتى (اه مؤاشراتى حد ليه حاجة) ان فاضل 30 بنت فى اقاهرة مصاحبتش و ممكن تلاقى اقل كمان و محدش يقولى لا التغيير دلوقتى اختلف و ممكن نتجوزهم لان حتى لو كل الشباب قالوا كده فئة منهم بس اللى هتنفذ
وسط ضيعة الشباب و البنات فاصل قصير و هارجعلكم و ماتنسوش الردود و عايزه ارائكم و تعليقاتكم محدش يدخل يقولى عندك حد و لا حد يقولى موضوع رائع و فى طبعا بعد اللى قرا الكلام ده هيقول طب مش هارد خلاص عشان كده هسيبكم انتوا و ضميركم
فاصل ثم نواصل