السلام عليكم و رحمه الله و بركانو

ازيكو يا شباب

نبدأ في الموضوع

عمرو خلص الثانويه العامه بمجموع كويس
و كل صحابه قرروا داخلين كلية ايه و على اساس ده قرروا مستقبلهم
الا عمر الوحيد من صحابه اللى مش عارف هو بيحب ايه و ايه موهبته


الحوار الاول بين عمر و استاذه بعد استلام النتيجه فى الصيف


الاستاذ : ازيك يا عمرو ايه اخبارك
عمر : الحمد لله يا مستر انا كويس
الاستاذ : ايه مالك مبوذ كده ليه شكل النتيجه مش قد كده
عمر : ازاى يا مستر انا الحمد لله جبت مجموع عالى بس مش دى المشكله
الاستاذ : ايه المشكله يا عمور احكيلى
عمر : بصراحه يا مستر انا مش ليا هدف فى الحياه
الاستاذ : ليه كده يا عمور ؟؟
عمر : اصل انا فـاشل فى كل اختياراتى ومليش هدف ومش عارف هعمل ايه
الاستاذ : ليه يبنى بتقول الكلام ده ؟ انت لسا يعنى قدامك وقت ؟؟
عمر : ايوه يا مستر بس انا داخل على اهم مرحله فى حياتى و دى اللى هتحدد مستقبلى
اذا كان دلوقتى مش عارف اقرر اخش كليه ايه ؟؟ وايه هيا موهبتى علشان اخش على اساسها
الاستاذ : طب بص يا عمور هقولك حاجه بسيطه تعملها
انا عاوزك فى اجازه الصيف دى تتفرغ لنفسك وتحاول تدور على موهبتك
و خلينا على اتصال و تبقى احكيلى اول باول وانا هساعدك


.: بعد الانصراف و عمر روح قابل صديقه الصدوق عماد :.


عمر : عماد حبيب قلبى
عماد : ايه يا عمور عامل ايه يا باشا
عمر : فيه موضوع عاوز اتكلم معاك فيه
عماد : احكيلى يا باشا
عمر : انت عمرك فكرت انت هتشتغل ايه لما تكبر
عماد : يبنى منتا عارف انى حياتى كلها هيا الكوره و مفهمش غير فيها
عمر : على الاقل انت شايف نفسك فى الكوره حريف و يمكن توصل لهدفك
انا بقى مش عارف هدفى ايه ولا انا كويس فى ايه
عماد : يعنى مش هنخلص من الحوار ده يا عمو
عمر : طيب بقولك انا من يومين قابلت المستر وكلمته وقاللى دور فى الحاجه اللى بتحبها
تساعدنى يا عماد ؟؟
عماد : افديك براقبتى يا سيدى


.: وبعد كده عماد حضر قائمه بالحاجات اللى ممكن عمر يكون كويس فيها :.


واول حاجه فى القائمه هيا الرياضه

.: بعد منصرفوا , المشهد التانى فى مركز تدريب على الملاكمه :.


عماد بيكلم الكابتن بتاع الفرقه
عماد : بص يا كابتن ده عمر اللى قلتلك عليه
الكابتن : بقى هو ده عمر و ماله رفيع كده ليه و خاسس ده انا حاسس بأن الدبان اطخن منه
عماد : معلش يا كابتن انا هسيبه تحت تصرفك وانا هشاهد من بعيد
الكابتن : ايوه يا عم عمر بقى نفسك تتعلم ملاكمه ؟
عمر : ايوه يا كابتن نفسى والله بس انتى تدربنى بس
الكابتن : لا هتتعلم يا اخويا يلا ابتدوا


عماد بيكلم الكابتن بتاع الفرقه
عماد : بص يا كابتن ده عمر اللى قلتلك عليه
الكابتن : بقى هو ده عمر و ماله رفيع كده ليه و خاسس ده انا حاسس بأن الدبان اطخن منه
عماد : معلش يا كابتن انا هسيبه تحت تصرفك وانا هشاهد من بعيد
الكابتن : ايوه يا عم عمر بقى نفسك تتعلم ملاكمه ؟
عمر : ايوه يا كابتن نفسى والله بس انتى تدربنى بس
الكابتن : لا هتتعلم يا اخويا يلا ابتدوا


.: وبعدين على حلبه المصارعه :.


ظهر ادامه شخص ضخم عمر ميجيش حاجه منه
من اول ضربه عمر وقع


.: اليوم اللى بعده :.


عمر : ااااااااااااه يا عينى
عماد : خلاص يا عمر ادينا حذفنا الرياضه من القائمه
عمر : طيب يا عماد ايه اللى بعده
عماد : تيجى نجرب الغنا ميمكن يكون صوتك حلو
عمر : ماشى يا عماد انا معاك


.: وبعد كده على خشبه المسرح وقف عمر :.


ابتدى عمر يغنى و يغنى بصوته و صوته معجبش المستمعين
وطبعاً لان الناس كلها مجمعه ان صوته وحش
اعدوا يرموه بالطماطم لحد منزل من خشبه المسرح وهو بيردد : اى اى كفايه يا بشر
عمر بعد عده محاولات فى كذا مكان تانى يجرب بصوته وبعد الرفض


.: فى اليوم التانى :.


عمر : احذف الغنا يا عماد ايه اللى بعده
عماد : طيب يا سيدى اقولك انا
دلوقتى بتشوف العيال بيشتغلوا فى محلات الموبايل والكمبيوتر
متيجى تجرب كده يمكن دماغك فى الالكترونيات تيجى


.: وبعد ثوانى فى محل الصيانه :.


قابلهم البشمهندس الكبير صاحب المحل
عماد : ايوه يا بشمهندس ده عمر اللى كلمتك عنه


المهندس : ايوه يا سى عمر قولى يبنى , انت تفهم حاجه فى السوفت وير ؟؟
عمر : لا حضرتك
المهندس : طيب ايه امكانياتك من الاخر ؟
عمر : لا بص حضرتك امكنياتى كتير بس حضرتك دربنى وشوفنى
المهندس : طب بص يا عمر انا عاوزك توصلى الفيشه دى فى الكهربا الاول


عمر بعد موصل الفيشه يمكن بالصدفه حصلت قفله
بعد خضه كبيره
عمر : انا اسف انا اسف يا بشمهندس


المهندس : حصل خير يا عمر مش مشكله عادى
عمر : ياربى هو انا كده فاشل فى كل حاجه
المهندس : خلاص يا عمر انا هديلك شغلانه اسهل


المهندس وقفه فى المحل يبيع للزباين
طبعاً بسبب بطئه مقدرش يمشى الشغلانه و الناس كانت بتقف وتمشى وكانت بتتعصب لان كل واحد مستعجل
عمر طبعاً شاف نفسه من اول يوم مينفعش للشغلانه دى
وبعد عدة محاولات لايجاد موهبته و تقريباً قائمة عماد خلصت


.: اليوم التانى :.


عمر : عماد ايه عندك تانى ؟؟
عماد : بص يا سيدى انا هقولك الاتى : القائمه اللى كتبتها خلصت
عمر : خلاص يا عماد مش مهم ومعلش تعبتك معايا
عماد : يبنى متقولش كده و يمكن فيه حاجات تانيه مكتبنهاش
عمر : خلاص يا عماد قفل الموضوع ابقى اقابلك بكره


.: انصرف عمر الى غرفته وهو يبكى و يكتب رساله لمعلمه :.


مهما دورت برده مش لاقى الحاجه اللى انا مفروض اعملها فى الدنيا دى , فانا هقف عن المحاوله واستسلم للامر الواقع .. التوقيع فــاشل

.: فى اليوم التانى لما قابل مدرسه :.


اداله الجواب ده و قاله اقراه يا مستر
بعد مقرى المدرس الكلام ظناً منه انه مالف قصه
المدرس : هايله يا عمر , جميله جداً القصه دى و قدرت فيها تعبر عن نفسك
عمر فى اندهاش و حاله من الصدمه
عمر : بس يا مستر دى مش قصه دى ...
المدرس : ازاى مقدرتش تاخد بالك من دى يا عمر
عمر : اللى هيا ايه
المدرس : عمر انت عندك موهبه الكتابه و الابداع !
عمر وهو مبسوط اوى : يعنى انا مش فاشــل
المدرس : فعلاً يا عمر انت مش فاشل ومفيش حد فاشل
كل واحد عنده موهبه من جواه ولازم يدور عليها
ومهما الانسان فشل فى حياته ميقفش لازم يقوم ويكمل تانى

وبعد ما عمر لقى نفسه اخيراً فى حاجه و حبها جداً
دخل كلية اعلام و اتخرج منها بامتياز
وبقى صحفى كبير و بيكتب قصص و بقى مشهور جداً
و على الاقل اكيد اتعلمنا اهم درس فى حياتنا

مفيش حاجه اسمها (( انا فااااااشل ))
منقووووول