السلام عليكم الاول
وأنا بتجول في اعلانات العربيات
لقيت إعلانات مضحكه جدا

وعلي حسب نوع العربيه تلاقي الاعلان المناسب ليها
عندك مثلا الفيات ال128 يفطسوا من الضحك
علي سبيل المثال:
((( السياره مجدده بالكامل//سمكره وبويه لسه جديده//فرش جلد ارضيه ولا كلمه وسقف وكراسى طياره كله جلد//بطاريه جافه جديده والله بالضمان//عفشه كامله تمام// يحتاج ظبط فى الماتور به لقمة سبيكه لسعه للامانه بس السياره ماشيه وزى الفل//الرخصه لحد// 2011/8/30//والسعر نهائى منعا للإحراج المعاينه فى المطريه بعد الساعه 2 بعد الظهر )))
طب إحنا معرفناش العربيه لونها إييه ولا العداد عامل كام يا عم الحج
ما علينا
نشوف الاعلان التاني :to2to2:

(((السيارة فبريكة بالكامل رشة برةاجزاء بسيطةلان البوية راحت مرفوعة 6سنوات .جنوط اسبور وكاوتش جديد وبطارية جديدة من شهرين عفشة الماني مونارو متغيرة في التوكيل بالفاتورة.كاسيت C.D SONY وسماعات اكس بلود ماتور فوق الممتاز مش هتصرف عليها جنية بالامانةسعر نهائي)))

دي برضه شكلها 128



مش مهم أهو كله عربيات برضه

اما الاعلان ده بقه تحفه بجد
شكل الراجل زهقان من عربيته وعايز يخلص منها بيقول

(((نيو اكسنت كامله اتوماتيك عامله كيلو متر عالى فى السفر بس مغيره موتور تكييف باور سنتر زجاج ك EBSكاسيت سى دى لا تحتاج مصاريف بها رش حزام نظافه السعر لظروف و نهائى ورشه من الداخل وعايز اخلص منها لانها مغيره ربع الامامى ومش عارف ابيعها نهائى ياريت حد يشتريها ويخلصنى بقه)))


ههههههههههه
لو انا منك اولع فيها وأخلص