اولا: الرسميه اوى وتكون زياده عن اللزوم

ودا كل كلامها معاك تقولك ايه اللي انت بتقوله ده احترم نفسك ...من فضلك..انت فاكرني ايه..ولو قلت لها اخبارك ايه تقولك:وانت مالك انت...دي حياتي الخاصه ...ازاي تسألني عن اخباري..وتديك محاضره عشان قلت ليها اخبارك ايه
ودي اخرتها هتقوم رزعاك بلوك واحتمال كبير دليت

ثانيا : بتاعت مصلحتها

دي بقي متشفهاش علي النت الا كل شهر مره مرتين حسب الحاجه اللي هي عاوزاها منك
ولما تسالها انتي فين يابنتي تقولك اصلي كان عندي امتحانات او كنت بدخل ومش بلاقيك علي النت او الجهاز كان بايظ المهم انها بتقنعك وبتاكل عقلك بكلمتين حلوين وانت ولا انت هنا



ثالثا : العاقله

ودي بقي يانجم انت وهو بتحلل كل حاجه تحليل يخنقك انت
يعني لو قالت لك ازيك مثلا وقلت لها انا عندي برد ولا شويه صداع حتي تقولك ليه؟؟ يبقي اكيد نمت في المروحه او اكيد انت سهران لوقت متأخر او اكيد انت عندك حاجه في النظر ولازم تكشف نظر او او او.......الخ لغاية ماتتخنق انت وتقوم عامل لست الدكتوره دي بلوك غلس او دليت غتت


رابعا : ذات العلاقات المتعدده .... شنكوته يعنى


ودي بقي ربنا يكون في عونك لما تقابلها علي النت
تبقي بتكلمك وبتكلم ادك انت وعيلتك
يعني ييجي 30 او 40 واحد في نفس الوقت وتقولك واحشني موت انا داخله مخصوص عشان اكلمك انت يا اوحي يا اوحي....... تطلع اوحك ياشيخه
وتسرح بكل اللي بتكلمهم وتستهبل وتلعب بمشاعر واحاسيس الشباب وبعد ماتقفل معاهم تقعد مبسوطه اوي من اللي عملته ويمكن تسقف لنفسها كمان علي دور البطوله في الفيلم الهندي اللي كانت بتمثله علي كل الشباب اللي عندها في المسنجر.....



بس اكيد مش كل البنلت كده