دول اتنين متجوزين من 30 سنة


اتفقوا مع بعضهم يطلعوا يقضوا اسبوع فى الفندق اللى قضوا فيه شهر العسل من زمان
لكن الزوجة كانت حصلها ظروف فى عملها وانشغلت فاتفقت مع زوجها إنه هو اللى يسافر قبلها وهي تلحقه بعد يومين
وصل الزوج الفندق ودخل الغرفة اللى كان ساكن فيها مع عروسته زمان ولقى فيها كمبيوتر وانترنت فقرر ان يرسل ايميل لزوجته يطمنها على الاحوال
كتب الرسالة وكتب عنوان البريدالالكترونى لزوجته وأخطأ فى كتابة حرف فى العنوان
وبالطبع راح الايميل لشخص ثانى لكن الاسماء كانت متشابهة


تصادف إنه كان لزوجة رجل تانى و لسة راجعة من جنازة زوجها اللىتوفاه الله بنفس اليوم ..
الزوجة فتحت كمبيوترها عشان تقرأ ايميلات التعازي
وبعد ما قرأت الايميل الغلط وقعت على الأرض مغمي عليها وفى نفس اللحظة د خل ابنها
ويحاول يفوقها ومش قادر
نظر الابن إلى كمبيوتر أمه وقرأ الرسالةالتالية :



(((زوجتى الحبيبة فوزية .. لسة واصل من شوية والمفاجاءة انك تعرفى اخبارى عن طريق الانترنت ،
تخيلى لقيت عندهم كمبيوتر عشان الواحد يقدر يرسل اخباره اول باول ويعرف اهله يوم بيوم كل الاخبار



الوحدة هنا صعبة اوى من غيرك يا حبيبتى والمكان زحمة خالص وعلى فكرة الترتيبات كلها جاهزة هنا عشانك
أنا تأكدت إنهم جهزوا المكان وكل شىء .. ومعدش فاضل الا انك توصلى لنا هنا بعد يومين ..

مشتاق لك كثير ومشتاق أشوفك واتمنى تكون رحلتك سريعة
زي رحلتي ..

ملاحظة : ما تجبيش لبس كثيرة معاكى لأن هنا الحر شديد جدا


زوجك الحبيب )))