ارجو انتستفيدو من هذة المعلومات-----
اخواتى الهالات السوداء سببها الارهاق وقلة النوم او الجلوس الطويل على الكمبيوتر وعدم شرب الماي بكميات كافيه
عشان كذا لازم تتجنبين هالاشياء وتنامين مالايقل عن 8 ساعات يوميا وتشربين 10 كؤؤس ماء
وبعد فيتامين سي اللي بعصير البرتقال الفريش يعني غير مخلوط بماي مفيد جدا جدا
نجي للخلطات
1- ضعي شريحه من البطاطس النيه او الخيار..لمدة 15 دقيقة الى 20 دقيقة..واغسلى محيط العين بعدها بماء دافىء وضعى بعدها كريم خاص بالهالات السودا انصحك بالماركات المعروفه مثل كلارنس ولانكوم وغيرها كثير
2-ضعي فوطه ساخنه وباردة على التوالى تحت العين لمدة 10 دقائق..ثم امسحى المنطقة بزيت اللوز هالطريقه مع الاستمرار لها مفعول السحر
3-دلكى محيط العين وتحت العين بزيت اللوز وقت النوم يوميا لمدة اسبوعين وبتلاحظين النتيجه
4-اطحني أوراق النعناع الطازجه وضعي المسحوق على الهالات 10 دقايق ومن ثم اغسليه
5-اعملي عجينه من الكركم(الكركم المستخدم في الطبخ مو العطار) مع عصير أناناس وضعي العجينه على الهالات لمدة 10 دقائق ثم اغسليها
6-ملعقة عصير ليمون مع ملعقة عصير طماط اخلطيهم وضعيها على الهالات السودا 10 دقايق ومن ثم اغسليه
7-ملعقة عصير بطاط يخلط مع ملعقة عصير خيار ونفس الشي بعد عشر دقايق اغسليهم
8-كبسولات فيتامين E هذي خياال مو بس للهالات للبشره كلها والطريقه انك تكسرين الكبسوله وتعصرين العصاره اللي داخلها وتحطينها على الهالات مثل ماسبق وقلت 10 دقايق وعقب ال10 دقايق لا تغسلينها بماي سوي منظف من العسل وبياض البيض وامسحي فيها الهالات وخليها فترة 10-15 دقيقه وبعدين اغسليها بماي
حبيبتي هذي اكثر من طريقه كتبتها وان شالله تختارين اللي يناسبك وترى كلها تظهر نتيجتها واضحه بس مع المداومه
وادعولى وردو علية اذا شفتو نتيجة حلوة بس اوعوا تدعوا عليا لو مافيش نتيجة