السلام عليكم

ازيكو يا نجعاويه

اول موضوع ليا بعد العوده من العمره

انا مش قادر اوصفلكم العمره دي كانت عامله ازاي

ربنا يرزقكم جميعا بيها ان شاء الله

نخش بقي في المفيده

احنا بعد ما عملنا التعديل الجديد و لله الحمد

بقي في عندنا امكانيات جديده في النجع.. مش بس امكانيات جديده.. دا كل القديم راح .. يعني الاسلوب القديم اتغير تماما

والي كان بيتعمل بالطريقه الفلانيه اتغيرت خالص و بقت طريقه تانيا


انا عاوز اطمن الناس ان الموضوع سهل جدا و بسيط

وممكن اي حد يعرف يكتشفه و يستخدمه لوحدوا من غير اي مشكله ولا اي حاجه:019:

انا حتي اول مره افتح معظم الحاجات قبل ما اكتب الموضوع علشان اشرحها

انا هقول بشكل عام نبذه سريعه هتساعد ان شاء الله الناس علي التعامل مع المنتدي

و اعذروني لو في بعض الحاجات ما اعرفش لسه وظيفها ايه

نبدأ اول حاجه

عمل موضوع جديد


الجديد هنا في عمل موضوع جديد او كتاب رد

هو الوضع المتطور

دلوقتي انت تقدر تنسق الموضوع و تشوف قدامك التنسيق الي انت عامله

وكمان تقدر تعمل كوبي و باست لاي موضوع او مقال في اي مكان و ينزل هنا بنفس التنسيق بالظبط

لو عاوز تضيف صوره بقي اسهل بكتير

يإما تاخد الصوره كوبي من اي موقع هي موجوده عليه

و باست في الموضوع

يإما ترفعها علي اي موقع صور و برضوا تحدد عليها بالماوس و تعمل كوبي و باست هنا


( كوبي يعني نسخ باستخدام CTRL + C و باست يعني لصق باستخدام CTRL + V )


لو انت مخنوق من الوضع المتطور او محتاج تستخدم الوضع القديم تاني مفيش مشكله

هتلاقي علي الشمال الزرار دا


ومن خلاله تقدر تتنقل بين الوضع المتطور و الوضع القديم

في كمان ايقونات المشاركه
ودي ايقوانت بتبقي جنب الموضوع بره لما بتكتبه

في كمان الكلمات الدلاليه
ودي ببساطه الكلمات الي ممكن الناس تعمل عنها سيرش في جوجل او المنتدي علشان توصل لموضوعك

مثلا بتتكلم عن برنامج انتي فيرس

ممكن تكتب كلمات( مضاد فيروسات - انتي فيرس - كاسبر سكاي - فيروسات )

لو مش عارف تختار كلمات معينه.. اكتب عنوان الموضوع تاني ،،، بس الافضل لموضوعك و للمنتدي انك تكتب كلمات علشان يبقي الموضوع قوي ويساعده انه ينتشر بشكل اكبر

ارفاق الملف
في طريقتين

ياما تدوس علي الايقونه دي










او تحت المكان بتاع الموضوع هتلاقي الخيارات الإضافية فيها ارفاق ملف في المشاركه

امكانيه تقييم الموضوع

هتلاقي اعلي كل موضوع علي الشمال موجود تقييم الموضوع تقدر تقيمه من خلاله

او
لما تيجي تعمل رد بوضع متطور ( مش الرد السريع )

هتلاقي تحت في الخيارات الاضافيه تقييم الموضوع تقدر من خلالها تقييم الموضوع

ايه تاني جديد عندنا؟؟!!

البطاجه .. لما تدوس علي اسم اي عضو

هيظهرلك القايمه دي





تقدر تدخل علي البطاجه

او تشوف مشاركاته
او تبعت رساله خاصه
او تضيف كصديق




ندخل بقي علي البطاجه

البطاجه هنا فيها امكانيات كتير جدا مختلفه عن البطاجه القديمه

وحتي شكلها افضل بكتييير

هي مش محتاجه شرح و بمجرد دخولك علي البطاجه هتفهم كل حاجه

لكن بشكل عام الجديد ...

بقي في WALL او حطيه

تقدر تخش تنكش اي نجعاوي بقي

تكتبله اي جمله كدا او ترفق صوره او لينك ( تقريبا نفس امكانيات الرد او كتابه موضوع )

المجموعات او الجروبات

هتلاقي هنا الجروبات الي العضو مشترك فيها

وكمان فيه امكانيات انك تعمل جروب لاي حاجه انت عاوزها ( هنشرحها بعدين )


القوائم العامه

فوق هتلاقي




التنبيهات دي

بتقلك لو في رساله خاصه غير مقروءه و كدا


وهنحاول الفتره الجايه يبقي فيها ردود مواضيعك كمان


بطاجتي


وهنا تدخل علي البطاجه بتاعتك الي لما حد من الاعضاء يدوس علي اسمك يدخل عليها


تقدر تشوف الوول بتاعك هنا و تشوف مين الي شاف البطاجه بتاعتك و شويه حركات تانيا




لوحة التحكم


ودي الكنترول بانل الي فيها التحكم بالعضويه بتاعتك



هي سهله جدا برضوا و مش محتاجه اكتر من انك تخش عليها و هتفتهم كل حاجه بسهوله ان شاء الله


لاكن بشكل عام الي يهمنا منها





تعديل بياناتي -- و دي هتلاق فيها البيانات بتاعتك الي بتظهر للاعضاء لما بيدخلوا علي البيطاجه بتاعتك


تعديل صوره البيطاجه و الصوره الرمزيه ( الصراحه مش عارف الفرق ما بينهم )
بس هي الصوره الي بتبقي تحت اسمك






تعديل التوقيع




هتلاقي علي اليمين قائمه إعداداتي --- بعديها تعديل التوقيع


ومنها تقدر تعمل توقيع بنفس امكانيه كتابه موضوع جديد






خصوصيه الملف الشخصي



ودي الاعدادات الي تحب الحاجات الي الناس تشوفها او ما تشوفها لما تفتح البطاجه بتاعتك


تعديل البريد \ كلمه المرور


من هنا تقدر تغير الباص ورد بتاعتك و الميل الي انت مسجل بيه


الخيارات العامه


ودي فيها اعدادات عامه للحساب بتاعك
زي مثلا حد يبعتلك رسايل خاصه و لا اصحابك بس
اي حد يقدر يكتب علي الوول بتاعك ولا اصحابك بس او حد تاني

شويه حركات هي متظبطه اوتماتك لكل الناس
ممكن انت تحب تخش تختار حاجه لنفسك




القايمه التانيا



المشاركات الجديده -- هي المشاركات الي حصلت من اخر زياره ليك ( زي في القديم عرض المواضيع منذ اخر زياره )

الرسايل الخاصه --- ذا صندوق البوسطا بتاعك


المساعده -- هتلاقي فيها شرح وافي جدا جدا عن التعامل مع المنتدي و امكانياته

المجموعات -- من هنا تقدر تعمل جروب لنفسك و تشوف كل جروبات الناس الموجوده

خيارات سريعه --- المواضيع المشترك بها -- دي هتلاقيها فيها الردود علي المواضيع الي انت اشتركت فيها ( القديم كانت عرض الردود علي المواضيع المشترك بها )


بس

يا ريت اكون قدرت افيدكم

ويا ريت اي حد عنده ملاحظات او حاجه مش عارفها او حاجه عارفها و مش مكتوبه يقلنا عليها هنا و نضيفها سوا