زيرو تسعمايه

زيرو نصابين

ركز انت وهى .. ليه مبلمين

السؤال متعاد

سيد جوز سعاد

قبل مايتجوزها

كان متجوز مين ؟؟

ركز انت وهى .. ليه مبلمين

والسؤال التانى

اسهل مالاولانى

والاجابه سهله

هديكوا اختيارين

ان كنتى تخينه بكرش

وهدومك مبتقفلش

اطلبى خط الرشاقه

بتاع الدكتور تحسين

زيرو تسعمايه زيرو نصابين

ركز انت وهى ليه مبلمين

وان كنت سيادتك ناصح

ومخك من الحجم الكومبو

ماتحل لغز امبارح

بتاع المفتش كرومبو

واسمع خط الفكاهه

اساتذه فى التفاهه

يعنى لو متضايق

اسمعلك نكتتين

على زيرو تسعمايه زيرو نصابين

ركز انت وهى ليه مبلمين

وحديث للدكتور فجله

فى عيادته تحت السلم

يقولك سر الخلطه

اشترى مش هتندم

لدينا الحل السحرى

لمشاكل كل زوجين

عسل النحل الجبلى

هيخليك متين

زيرو تسعمايه زيرو نصابين

ركز انت وهى ليه مبلمين

تابعونا فى المفسديون

كل دقيقه اعلان

خليكوا جنب التليفون

الكل معانا كسبان

كل ماتتصلوا اكتر

احنا فلوسنا هتكتر

بلاش حسد الله اكبر

رزق الهبل ع المجانين

زيرو تسعمايه زيرو نصابين

ركز انت وهى ليه مبلمين
______________________