السلام عليكم

صورة مُتكررة بشكل يومي كنت بشوفها ايام الكلية عندنا وقت الصلاة

بنبقى في دورة المياه علشان نتوضى

وألاقي واحدة داخلة حاطة 3 كيلو بويا على وشهاوتبدأ تتوضى

أستنى مثلا إنها تطلع صابونة تغسل بيها وشها

أو كريم تشيل بيه علبة ألوان الزيت إللي على وشها

مافيش ...!

وتبدأ المذكورة أعلاه تتوضى وتيجي عند فريضة غسل الوجه وتبدأ تِسَأْسَأْ

يا دوب تبل إيديها الاتنين وتنفض منهم الميه وتسأسأ على وشها

صعبان عليها تعب ساعة الصبحية قدام المراية يروح هدر علشان الصلاة

ولما نقولها : يا ستي كده ماينفعش لازم تغسلي وشك .

تقولنا : لا مانا حاطة المكياج على وضوء .

نقولها : يا ست الكل دي راسك مش رجلك

تقولنا : لا هو كده كويس ... وابتسامة عريضة وتمشي وتسيبنا .


يا ترى إيه نظام السأسأة ؟؟؟؟؟؟؟؟؟؟؟؟؟

حد فيكم شاف نظام السأسأه

وما تقولوش الولاد مش بيعملوا كدا

لما الجو بيبقا ساقعة اوى بيطبقوا هذة النظام ( نظام السأسأة )

حد يقول كلمة للبت دى بقه يلا يا شباب