فوفو بتاع كله !!!

فوفو :هاى محمد بيس طبعا واحسن منك

اخبار البنات على حسك ايه يا كبير

فوفو : هو انا ورايا حاجه غير انى احلقلهم يا ابنى ده لولا موبايلى فاصل شحن كنت كلمت سوزى و سوسن و سيده

كل دول امال هتسيبنا ايه

فوفو واسيبلكم انت ليه مش كفايه انا (1)

السلام عليكم ورحمة الله وبركاته ازى صحتك يا اخ فوفو
فوفو : وعليكم السلام ورحمة الله وبركاته الحمد لله
ايه رايك فى تبرج البنات اللى زاد عن حد ده وقعده الشباب اللى بقت معاهم ليل نهار حاجه زادت عن حدها
فوفو : يا ساتر يا رب اقولك ايه بس يا اخى حسبى الله ونعم الوكيل اكتر حاجه بكرها ان الولد يعرف البنت كده من غير اى رسميات (2)


فوفو مع اصحابه ( شله الجامعه المطرقعين )
اكتر حاجه بكرها فى حياتى المذاكره حاجه خنقه يا معلم احنا نذاكر التلخيص و لا نشترى الامتحان وكله فى اللذيذ
(3)

فوفو مع اصحابه ( شله الجامعه المحترمين )
اللهم اكرمنى فى علمى و كتره نفسى اتعين فى الكليه بقى ونفسى اجتهد اكتر ما انا مجتهد ده انا حتى بشرح للزملاء الضعفاء
(4)




من 1,2,3,4

شفنا طبعا ان فوفو هو الشاب الصايع جدا المؤدب فحت المؤمن اوى الدحيح جدا ومنفض للمذاكره فى نفس الوقت


اكيد كلنا بنقابل شخصيات زى الحج فوفو دة اللى بيغنى ويرد ع روحة ومقضيها ولا عندة مبدا ولا اى بتنجان
اية رايك ف النتاقض الغريب اللى بيكون ف الشخصية دى؟؟؟؟؟؟؟
واازى بيقدر يناقض روحة كدة؟
ويكون بشخصين ف نفس الوقت
ويالا ارزعو نصيحة لاخ فوفو النونو

منقول