ألوان استايل لحوائط بيتك




اهتمامنا بألوان الحوائط عادة يبدأ عند الزواج والتجهيز للبيت الجديد أو عندما نجدد في البيت.. وفي الحالتين نختار ألوان مناسبة لاستايل البيت ومعبرةا..

ألوان الحوائط لا بد ان تكون مرتبطة بالشكل العام للمنزل والأثاث الموجود فيه، فمثلا إذا كان الأثاث مودرن يُفضل إن ألوان الحائط تكون بسيطة وبدون تفاصيل كثيرة، والمودرن بشكل عام بيعتمد على الألوان الزاهية مثل الأزرق والنبيتي والبنفسجي وغيرها، أما لو الأثاث اللي موجود في البيت كلاسيكي ممكن تستخدمي معاه الألوان الترابية مثل البيج بدرجاته المختلفة أو الأبيض أو الذهبي.

إذا كانت المفروشات فيها نقوش كتيرة وفيها أكثر من لون بنختار أقل درجة لونية موجودة فيه ونستخدمها كلون للحائط، وطبعا لون الحائط هيكون سادة من غير أي رسومات أو ألوان كتير ليكون شكل الغرفة مريح للعين.

أما لو المفروشات كانت سادة ممكن نستخدم نقوشات أو رسومات على الحائط أو ندخل لونين في بعض، مثل إن الحائط مثلاً يكون مقلم بلونين.

و مساحة المكان لابد من اخذها في الاعتبارأثناء اختيار ألوان الحائط؛ لو المساحة صغيرة لابد من اختيار ألوان فاتحة؛ لأنها تجعل المكان واسع، أما لو مساحة الغرفة كبيرة فبتكون مساحة الاختيارات في الألوان أوسع؛ و ممكن استخدام ألوان غامقة أو فاتحة حسب ذوقك.

كل مكان في البيت وله ألوانه اللي بتكون مناسبة معاه وطبيعة كل غرفة هي اللي بتفرض الألوان دي فمثلا..

غرفة النوم

ألوانها تكون هادية وبسيطة ومريحة للعين مثل اللون الروز والأوف وايت واللبني.

غرفة المعيشة

ألوانها تكون زاهية ومن لون الفرش اللي موجود فيها.

غرفة المكتب

نختار لها ألوان معتدلة إلى حد ما لتساعد على التركيز مثل البني بدرجاته المختلفة أو الأبيض، ومش مطلوب إن يكون فيها تفاصيل كتيرة.

غرفة الأطفال

ألوانها تكون جذابة وزاهية وتعمل شعور بالبهجة، ومستحب جداً استخدام رسومات على الحائط في غرفة الأطفال.