دى حكاية عضوة منحوسة جدا
واحدة كانت بتبحث عن برنامج
فظهرلها فى البحث منتدى عيله النجعاويه
لكن طلب منها التسجيل فيه
سجلت فيه
وهى بتحمل البرنامج
لقت المنتدى شكله غير كل المنتديات التانية
ولقت الاعضاء نشاط وبيعملوا مواضيع حلوة ومشاركات كتير
قررت انها تعمل هى كمان مواضيع ومشاركات فيه
اول حاجة دخلت قسم نجعاوي كوفي شورب وعملت موضوع للترحيب عشان حد يعبرها بكلمة
ما حدش عبرها
قالت يمكن مش شايفين الموضوع او مفيش اقبال من الاعضاء عالقسم ده
قررت تبدأ في قسم تاني
دخلت على قسم البرمج عملت فيه كام موضوع
وتستنه حد يعبرها ويشكرها
ما لقت حد يرد على مواضيعها
قالت خلاص هأرد على كام واحد كده من الاعضاء فى القسم ده
يمكن يعرفونى ويدخلولى مواضيعى
اصحاب المواضيع ردوا على كل اللى دخلولهم مواضيعهم ما عدا هى
جالها احباط
سابت القسم ودخلت على قسم الالعاب
وجابت العاب نادرة جدا
ونفس النتيجة
ما حدش معبرها
دخلت قسم الموبايل
ولا حد سأل عنها
سابت البرامج وقالت انا هاقتحم قسم الصور
ودخلته وجابت صور روعة
ولا حد عبرها بالمرة
عملت مشاركات فيه
ولا حد رد عليها كأنها ما دخلت الموضوع اصلا
تركته ودخلت قسم اخبار الفنانين
ولا كأنها اتكلمت فيه
لا موضوع ولا مشاركة
تركت القسم وما يقربه
وقالت يمكن اغلب الاعضاء شباب
وقررت تدخل قسم الكورة
ولو انها عمرها ما تعرف عنها حاجة
بس كانت بتجمع من هنا كلمة ومن هنا كلمة
وتعمل مواضيع
وللاسف محدش عبرها
دخلت قسم المرأة وقالت يمكن انا ما بشوفش كويس واغلب الاعضاء بنات
وجابت وصفات واكلات ونصائح
وكأنها بتدن فى مالطة
ولا حد معبرها خالص
حتى لما تدخل لحد موضوع ما يردش عليها
وهى فى المنتدى راحت تشوف قسم التعارف يمكن حد القى نظرة حتى عالموضوع
ولا لقت حد خالص
احتارت تعمل ايه
فوجدت لسه فى المنتدى اقسام تانية
قالت اما اجرب تانى يمكن حد يعبرنى
دخلت قسم الحوار المفتوح
قالت بس
انا كده عرفت ليه بقيت الاقسام ما حدش معبرنى فيها
القسم ده دسم شوية وشامل حاجات كتير
النكت والطرائف والاشعار
اكيد اكيد هلاقى نفسى هنا
ودخلت فعلا
تجيب نكت وما حدش معبرها
تكتب شعر
ولا حد بيقراه
تكتب موضوع للمناقشة
الموضوع كانه مش موجود
سابته وهى الاحباط جواها عمال يزيد
لقت قسم للالعاب وفيه العاب حلوة
قالت بس
انا هألعب والاعضاء هيكلمونى
وبعد كده هيعرفونى ويدخلولى مواضيعى
لسه بتقول يا هادى وهتدخل
لقت القسم مكتوب عليه تم غلق القسم للصيانة
ضغطها ارتفع وما بقتش عارفة تعمل ايه
دخلت على قسم السياحه و السفر
لقت القسم فيه مواضيع روعة بس لاحظت ان الاعضاء مش بيشاركوا فيه كتير
اخدتها من قاصرها وتركته قالت هو انا ناقصة
لقت قسم الكليات
قالت هو ده القسم المناسب صحيح
دخلت كدبت كدبة وقالت جوه احد الكليات انا طالبة بالكلية ونفسى استفسر عن حاجة ممكن
ولا حد سال عنها
وصلت لقسم المواضيع المخالفة
وهى ما حدش عبرها فى اى قسم
قالت طالما محدش شايفنى كده فى المنتدى
انا بئه هانتقم منهم كلهم
وهاخد موضوع لحد عامله
واكرره باسمى
ومتأكده ان محدش هيشوفه
وبعد ما عملت الموضوع بدقيقة واحدة
تم حذفه لانه مكرر
قررت تنتحر
طلعت على سطح المنتدى
ورمت نفسها
نزلت ستين حتة
شافها مشرف الصور لقطلها صورة وحطها فى قسمه
وكل الاعضاء دخلوا ردوا عليه
شافها مشرف قسم البرامج
قال يا خسارة كانت نشيطة فى قسمى مش عارف ايه سبب انتحارها
شافها كل مشرفى الاقسام وقعدوا مستغربين هى ليه انتحرت
شافتها واحدة من اعضاء المنتدى
كتبت عنها موضوع وعملته فى قسم الطرائف
والاعضاء دخلوا يقروا
وما شاء الله قاعدين يضحكوا على الموضوع
ههههههههههههههههههههههه

طبعا في اقسام مش موجوده

منقول