دايما فى جميع الافلام اللى بنشوفا البطل لازم يتجوز البطلة:022_001:
دة طبعا بعد ما ينقذها من الراجل الشرير اللى خطفها عشان يطلب فدية قيمتها 75 قرشا
وهنا تظهر الرجولة والشهامة و الشجاعة المستخبية من البطل :045_001: ليقوم بانقاذ البطلة المسهوكة:181: :030_001:
فيروح لمكان العصابة بكامل الشجاعة والاقدام ويدخل معهم فى خناقة للركب وبعد ما يضربهم كلهم ويرميهم فى البحر ييجى البوليس بسلامتة :025_002:ولا حركة انت وهو قدامى
وبعدين يروح للبطل ويقولة تحب تيجى معانا القسم يقولة لا يا فندم
بس انا مش عارفة مين اللى بيكون اتصل بالبوليس

وبعدين ييجى مشهد الفرح على طول
وتوتة توتة



والفكرة دى اتكررت كتير وبرضة مفيش فايدة يا اما البطلين يكونو زمايل فى الكلية
يتصاحبو الاول :033_002: عن طريق نقل المحاضرات من بعض وعزومة عصير بعدين يتخانقو لسبب ما
ويصالحها ببوكية ورد ومن ثم يتجوزها و نخلص


او يكونو جيران من زمان
او اتقابلو صدفة فى عيد ميلاد او فرح شوف القدر بقى

وطبعا لازم البطل يكون كحيان وابوة موظف بسيط وبيجرى على اخواتة
والبطلة بنت بارم ديلة واحيانا يكون ابوها مدير الشركة اللى ابو البطل متعين فيها بواسطة

وهنا يحدث الصراع المرير
عاوز اجوزها يابا :praying:
يابنى دول ناس اكابر واحناعلى قد حالنا

وابوها يقولها سيبية وانا هاجوزك سيد سيدة

وتقولة يا محمود يا بلاش يقولها يبقى بلاش
تروح داخلة اوضتها ومعيطة :051_004:
ولكن البطل يصر الحاحا ان يتجوز البطلة
ودة طبعا بعد ما ينقذها
وييجى ابوها فخور بشجاعة عريس الغفلة
ويقولة انا مش هلاقى عريس لبنتى احسن منك يا بنى
انت انقذت حياتها وحياتى

و انا شخصيا وانا بتفرج على اى فيلم ببقى عارفة نهايتة اية ومع ذلك بتفرج برضة:012_005:


بس بجد فى الحقيقة الموقف دة بيحصل ان البطل بيتجوز البطلة
بعد قصة حب مملة
بس فى الاخر بيتجوزو وفى ناس اعرفهم شخصيا حصل معاهم كدة
بدون ذكر اسماء





من تاليفى الخاص