المثقف: يجري الان وبينما نحن غافلون عن امرنا ساهون
المعلم: هسسسسسسسسسسسس ايه يا عم الكلام اللي بالنحوي ده عايزين كلام نفهمه
المثقف: طيب طيب بصوا يا جماعهالموضوع كله ان في واحد يهودي (خدوا بالكم اوي من يهودي دي)يميني(ومعلش خدوا بالكم من يميني دي كمان) مرشح نفسه لرئاسه فرنسا.
المعلم:* مين الراجل اللي انت بتكلمنا عنه ده؟
المثقف:* الراجل ده بقى اسمه نيكولا ساركوزي وهوه كان وزير الداخليه ايام جاك شيراك.
المعلم: طيب والراجل ده ميوله ايه؟
المثقف: الراجل يميني هوه آه مش من اقصى اليمين المتطرف بس هوه برضه يميني متصهين من بتوع مكافحه الارهاب وحبايب جورج بوش.
المعلم:* طيب والراجل ده له مصايب قبل كده؟
المثقف:* ياه ده مصايبه كتير قوي واكبر مصيبه عملها هي فيلم اكشن لذيذ قوي من بتوع هليود مدته دقايق.
المعلم:* ياه هوه مخرج؟
المثقف:* هوه وزير الداخليه بس له ميول اخراجيه عملها في فتره وزارته.
المعلم:* طيب والفيلم ده بيتكلم عن ايه؟
المثقف:* ملخص الفيلم:شاب مغاربي، عربي، تراقبه الشرطة في احدى ضواحي العاصمة الفرنسية، تلاحقه، من داخل شقته الى الشارع، الى المكان الذي يقصده، تركز الكاميرا “زوم” على يده وهي تندس في جيبه، ثم وهي ترفع القميص ليظهر المسدس من تحتها، ورجال الشرطة، أين منهم شارلوك هولمز، او حتى ابطال الافلام الهوليوودية في التربص والتخفي والمتابعة في السيارة والكمون والانقضاض.الى أن نصل أخيراً الى القاء القبض على المعني. بل وعلى ثمانية شبان غيره . لماذا ؟ لانه كانت لديهم رغبة في تنفيذ أعمال ارهابية، كما قالت الشرطة، وكما يركز الوزير اياه، في برنامج تلفزيوني امتد لاكثر من ساعتين بعد الفيلم.
المعلم:* طيب ونفهم ايه من كده؟
المثقف: يخرب عقلك انت لسه مفهمتش بعد ده كله ده انت شكلك غبي اوي.
المعلم: يا عم من غير قله ادب بدل ما اكسر لك وشك.
المثقف: طيب هقولك انت اكيد عارف ان فرنسا فيها مسلمين كتير وعرب من شمال افريقيا
المعلم: طبعا عارف ودي فيها ايه؟
المثقف: ده معناه ان الراجل ده هيوريهم الويل واحتمال كبير يرحلهم على بلادهم.
المعلم:طيب واحنا مالنا في مصر بالكلام ده؟
المثقف:يا سيدي الفاضل......
المعلم:بس متشتمش.
المثقف:وهوه انا شتمت!!!!!على العموم حاضر,فرنسا دي كانت دايما من الدول المعتدله وانضمامها لليمين المتصهين ده خطر كبير علينا.
المعلم:انا قلتلك تبطل كلام بالنحوي وانت مبطلتش انت الجاني على نفسك.




انتهى الحوار وادعوا من كل المثقفين بالدعاء للمثقف اياه بالرحمه


ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــــــــــــــ

ملحوظه:هذا الموضوع هو ابداع خاص بي برجاء عدم نقله الى اي مكان آخر الا بعد اخذ الموافقه مني عن طريق الاتصال الشخصي

والسلام ختام