انا مش عارفه ابدا الموضوع ازاى

بس هيا فعلا مشكله سمعتها كتير مش فى التليفزيون بس للاسف لكن قابلتها بجد

وهيا العلاقات على النت الشاتنج يعنى بس للاسف بصورته البشعه

ليه البنات المخطوبين وبرده المتجوزين عاملين علاقات حب على النت

يا جماعه للاسف انا سمعت عن واحده مخطوبه وبتقول انها بتحب خطيبها وفى نفس الوقت عامله علاقه حب على النت ياترى دا عيب فى مين

فيها ولا فى التطور

كمان اعرف واحده هيا مش صحبتى اوى بس عرفت انها بتكلم شباب وعامله معاهم علاقه حب على النتو البنت دى يا جماعه متجوزه وجوزها مسافر

وقاعده لوحدها .... طيب دا من ايه احساس بالوحده ولا فراغ ولا ايه بالظبط؟؟؟

انا عايزه اقول للبنات اللى بتعمل كدا زى ما انتى بتعملى فى جوزك او خطيبك هيجى اليوم وهيعمل فيكى كدا برده ( داين تدان)

وعلى فكره للكلام دا برده ينطبق على الشباب

عايز رايكم فى الموضوع ولو تعرفوا نمازج ياريت تحكولنا عنها

وعايز فى الاخر اقول لكل المخطوبين او المتجوزين اللى بيعملوا كدا اتقوا الله لانكم فى نعمه غيركم يتمناها جدا

انا طولت عليكم بس بجد انا عايزه اعرف رايكم