السلام عليكم ورحمة الله وبركاته

انا عندى فكرة اتمنى انها تعجبكوا

ايه رايكوا كل حد يدخل هنا يتكلم عن وظيفته وايه طريقه الشغل فيها والمؤهلات المطلوبه ليها والمميزات والعيوب
يعنى يعرفنا كل حاجه عن وظيفته
وده ليه بقى؟؟؟
عشان الشباب اللى لسه مابيشتغلوش يعرفوا سوق العمل فيه ايه وايه الوظائف المتاحه وايه المؤهلات المفروض انها تكون عنده ويبدا يستعد لمجال العمل سواء كانت كورسات هايبدا ياخدها او حاجه هايتعلمها من دلوقتى
وكمان عشان اللى بيشتغلوا يبقوا عارفين ايه الوظائف التانيه اللى موجوده لان اكيد كل حد بيدور على الاحسن
وياسلام لو حد شايف ان فى شركته محتاجين موظفين جدد يقول لاخواته فى النجع عشان ربنا يجازيه خير

انا عارفه ان فى مواقع وظائف كتيييييير والجرايد مليانه
بس انا بقول لما حد فى الشغلانه نفسها يكلمنا عنها غير لما نقرا اعلان فى جرنال

اتمنى انها تكون فكره حلوه ومفيده

وبما انى انا مش بشتغل ومش عايزة اشتغل مش هاتكلم عن حاجه كفايه عليا جبت الفكرة
وانتوا بقى انطلقوا واحكولنا عن وظايفكوا