السلام عليكم ورحمة الله وبركاته


معلش انا الموضوع ده للهبل بس يعني الي شايف نفسه عاقل الافضل ما يدخلش

انا قلت اهوه

عشان لو حد حصله حاجة ما يرفعش قضية انا مش ناقصة

انا بقى نووويت نيه مبيته اني اهيس في موضوع هنا والي نفسه يهيس معايا يجي

وكلنا مع بعض هنعمل احلى شغل

كل واحد يقول نفسه يعمل ايه في حياته ومش قادر
وانا هبدا بنفسي.....





تيرا را راااااااااااا تن تن تن تن

موسيقى تصويرية

انا مثلا نفسي اركب عربية نص نقل اركب في البوكس الي بيبقى ورا ده.....بجد والله نفسي في الحاجة دي والهوا كدا يخبط في وشي
وااااااااااااااااو
حاجة كدا
فانتاستك

نفسي اركب موتيسكل واجري في الشوارع :]


عارفة انكم بتقولوا عليه العوض ومنه العوض انسانة اتهبلت


بس بجد نفسي في كدا........


ولسه ولسه......

عارفين في ساعات وانا ماشية مع صحباتي ايام الكلية لو لقيت كوم رمل كدا محطوط على الارض وتكون ناس بتبني ولا حاجة لازم اوطي العب بايدي في الرمل ده.....وساعات كنت بنط عليه
لحد ما صحباتي بيتبروا مني وبيقولولي اعقلي بدل ما نمشي ونسيبك /mr47

بس بردو ما فيش فايدة


ومازال الاحساس يراودني
ولسه بدور على كوم رمل العب فيه


يلا وروني اخر تهيساتكم يا جودعاااااااااااان