*$&&&% عـاوزة أفـوق ..... وأخــد قـــرار %&&&$*



قوللي ياقلبي يامحتار:

بينك وبين عقلي

مين فيكم أنا أختار؟؟؟!!!

إنتوا الإتنين متوهيني ...

مجنينيني ... واخديني لدوامة إنهيار

عنيا منكوا بقوا مليانين

دموع ونظرات حزينة وأنين

*&&&*

إنت ياقلبي فيك سكاكين

بتنزف وواقف ساكت

مكسور ... مقهور وحزين

دايماً مليان أحزان ممزوجة بحنين

وعلى فين ياقلبي بيك رايحين؟؟؟!!!

*&&&*

وإنت ياعقلي مليان أفكار

وأوهام وهلاوس مابتعرفش هزار

قلبت معاك لإعصار بدمار

دايماً بتحاسبني وبتحملني أوزار

عاوز تقتل قلبي وتحكم عليه بالإنتحار

عاوز تدوس على مشاعره وعواطفه

لأنك شايفهم سبب الإنهيار

تقوله: دايماً ياأخي معذب نفسك ومغلبني ومابتتعلمش

وبرضه ترجع تاني تعيد نفس المشوار

وفي النهاية عايش حزين تفرفر

ولا طير مدبوح في حالة إحتضار

*&&&*

وتعبت أنا من التفكير

عشان أوفق مابينكوا

مش قادرة ... ده حقيقي كتييررر

قلقانة وسهرانة ليل ويا نهار

تعبانة من طول الإنتظار

خايفة من سوء الإختيار

حاسة إني في أقوى حصار

قولولي بقى: مين فيكوا أختار؟؟؟!!!

أنا عاوزة بجد أفـوق ..... وأخد قرار