المكان حجرة مغلقة
الزمان 13 بالليل


المشهد استاذ محيسن مدرس اول تاريخ واستاذ الدمرداش الموجة العام يضعون امتحان التاريخ للثانوية العامة
يقول الاستاذ محيسن : تفتكر لو الطالب حب يركز هيركز على اييييييه
الدمرداش: على التاريخ الحديث طبعا زى ما قولنا فى البرامج التعليمية

محيسن : خلاص يبقى نجيب فى التاريخ القديم

الدمرداش: بس ده مش فى المنهج:

محيسن: كده احسن عشان ميقولوش الجمود والتخلف ادينا بنطور اهه

"الدمرداش : وضح
احد ملوك الاسرة الرابعة عشر واهم انجازاته

محيسن: لالالالالا السؤال كده محدد انا بقى اقول احسن اكتب كل حاجة عن الاسرة الرابعة عشر

الدمرداش: الله على الخبرة يا سلام على الحنكة

محيسن: اللله عليك نخش بقى عللا السؤال اللى بعده " ان ثورة يوليوعام 1919 من اهم الاحداث فى التاريخ المعاصر

الدمرداش: ايه ده احنا كده رجعنا للحديث تانى

محيسن: حلمك عليا شوية اكتب بقى وضح دور العنتبلى فى انتصار احمس على لهكسوس

الدمرداش: مين العنتبلى ده؟
محيسن : اييه ده انت متعرفوش؟

الدمرداش : ولاعمرى سمعت عنه

محيسن : ولا انا
اكتب كمان عندك وضح دور الدرمللى فى نصر حطين

الدمرداش:مين الدرمللى ده كمان
محيسن: اخو العنتبلى طبعا

وبعد ساعتين

محيسن : يااااااه خلصنا الامتحان
الدمرداش: كل ده بفضلك يا حبيبى
محيسن : متنساش الملاحظة اللى اتفقنا عليها

:الدمرداش: اااااااه صحيح










ويكتب الدمرداش( لن تقبل اى ورقة اجابة الا اذا كانت الاجابات بالهيروغليفى)




مـــــــــــــــــــــيــ ـــــــــــــــــــــــــ ـــــــــــدو