الخدمه دي لسه جديده و انا قولت أعرضها عليكو هنا فى نجع النعاويه




عاوز تموت ازاي 00 يعني نفسك تموت ازاي 00
يعني مثلا شوفت فيلم وفي حد مات و كان نفسك اوي تموت الموته دي

كده يعني
ههههههه
المــــــــــــــــــــــ ــــــهــــــــــــــــــ م
نخش ف الموضوع


عاوز تموت شهيد

ياتركب طياره - ياتركب عباره



عاوز تموت م الجوع

.ياتشترى شقه - ياتشترى عربيه بالقسط



عاوز تموت م الحسره

ياتتفرج ع الفاترينات فى ستى ستارز - ياتروح زياره لمارينا



عاوز تموت م الغيظ

ياتتفرج ع القنوات المحليه - ياتتفرج ع النشره الجويه



عاوز تموت م الزهق

ياتستنى الأشاره لما تفتح - ياتستنى دورك فى الطابور فى التأمين الصحى



عاوز تموت م الهبل

يا تخش ع النت - ياتسمع نجوم الأف أم



عاوز تموت مخنوق

ياتروح مصلحه حكوميه - ياتقرا الجريده اليوميه



عاوز تموت مفروووس

ياتركب تاكسى - ياتركب دش



عاوز تموت مرعوووووب

ياتستنى نتيجه الثانويه العامه - ياتستنى نتيجه التحاليل عند الدكتور



عاوز تموت مشهور

ياتتجوز رقاصه - ياتنصب على بنك



عاوز تموت مليونير

ياتعمل فيديو كليب - ياتلعب كوره



عاوز تموت ورا الشمس

ياتشغل مخك - ياتفتح بؤك



عاوز تموت منكاد

ياترشح نفسك فى الأنتخابات - ياتخش ف أتفاقيه الجات


عاوز تموت م الحزن

ياتفكر دايما ف أحوالك - ياتحط الحكومه ف بالك



عاوز تموت م الضحك

ياتتجوز أتنين - ياتشتغل مع المجانين



عاوز تموت ف حالك

أعمل نفسك دايما....مش واخد بالك


و هكذا تاكد لنا اعزائى أهل النجع ان احنا مش بنموت مره واحده 00 لا بنموت ميت مره ف اليوووووووووم