السلام عليكم ورحمة الله وبركاته

النهاردا طقت فى دماغى فكرة انما ايه ، جهنميه ...

كل واحد فينا يصور حاجه هبله ، هزار يعنى ...

كدا يعنى
=========================

طريقة عمل البطاطس بطريقه جديده .. "دى مقدمة مفروض اننا نكتبها" ... علشان تبقى كوميدى شويه!!

=========================


نقطع البطاطس بالطريقة دى ... بحيث تكون شبه الصوابع ((اقطعى صوباعك ، وحطيه جمبها، لو مش زيه ، ارميه))!!


وبعدين نحطه فى الزيت بطريقة عشوائيه ((ولا بلاش عشوائية دى ، لحسن احنا زهقنا من العشوائيات))!!

وبعدين تحطيها فى الطبق ، بالكبشه " المغرفه يعنى" ... من غير ما تصفيها ، بالزيت بتاعها يعنى، علشان مانبوظش الريجيم ..

==========================

مثلا
اهم حاجات فى المسابقه هنا "القوانين يعنى":
1-الصور مايكونش فيها تعدى على العوايد والتقاليد بتاعة النجع ..
2- الصور ما تقلش وماتزدش عن صورتين او تلات صور ...
3- يكون عليها تعليقات ، دمها خفيف ، علشان تترشح ، للفوز يعنى ...
4- فى الشهر الواحد لكل عضو انه يبعت مرتين ، يعنى حاجتين مختلفتين ، اكتر من كدا مش هايتقبل..
5- التعليقات تكون محترمه ، مايكونش فيها كلام مش لطيف يعنى..
=============
اما بقى :
اى تعدى
1- هايتحذف الرد كله .. ان شاء الله ..
2- ويتمنع العضو من الاشتراك فى المسابقه ، فى الشهر بتاعه ..
3- فى الشهر التالى ليه ، ممكن يشترك ، لكن بحاجه واحده مش اتنين ..
===================
==========================

.. وبعد كل شهر نقول مين اكتر واحد كان بيضحك فى الحكايه دى ، وياخد وسام ، بس كدا ...

ايه رأيكم ؟؟!! ...

والله انا كنت عايزة اقول للمشرف "بس انا عارفه انه هاياخد وقت" فقلت اعمل الموضوع ولو المشرف مش عاجبه خلاص بلاش منها ، ... شكراً

اتمنى تعجبكم .. سلام