السلام عليكم ورحمة الله وبركاته

ازيكم يا جماعه

كنت بفكر فى فكيرة كدا من مدة ، يعنى الواحد ازاى يساعد فلسطين .. ولا العراق .. ولا افغانستان ، ولا حتى يصلح حاجه فى السودان .. وفضلت افكر افكر افكر ، وفجأة لقيت راجل بيصوت كدا !!
ولاقيت الصوت جاى من ناحيه التليفزيون ..
وببص
فجأة ..
.
.
.
.
.
انه:
.
.
.
.
.
.
عمرو اديب !!....

المهم الراجل كان بيتكلم عن الشاب "خالد سعيد" ... بعيداً عن خالد سعيد نفسه وبتاع بقى ..
لقيت انى فكرت زى "جمال عبد الناصر" ... فكرت برا ، قبل ما افكر جوا ..

بقول العراق وقلسطين والسودان وافغانستان ، دا غير اليمن والسعوديه ، دا غير القاعده ..

ونسيت اهم حته "مصر" ...!! مش اهم حته يعنى علشان : مصر هى امى ، ومصر الحضارة ، ومصر ام الدنيا .. صحيح انا سبت لدا كله مكان .. الا انه حتى لو مصر ما كنتش دا كله ، المفروض انى افكر فيها الاول ..
ازاى اخرجها من الضلمة اللى هى فيها دى ..

اشتغل فى جريدة معارضه واشتم الحكومه والريس؟؟ ..

اشتغل فى جريدة قوميه واشكر فى الحكومه والريس؟؟!!...

اصور حاجات وحشه فى البلد ، واحطها على النت ؟؟!! ... سواء لغرض التعديل او الاستهزاء..؟؟

اصور حاجه حلوة فى البلد ، واحطها على النت؟؟!!... سواء لغرض "مصر حلوة ومش عارف ايه" او لغرض التفاؤل الحقيقي ..؟؟

اتبرع للناس فى العشوائيات ، لو انا غنيه ..؟؟ وارجع اقول : هاتروح لهم نص اللى هادفعه .. دا لو راحت!!

اسكت وخلاص ؟؟؟ ولا اتكلم واعلى صوتى ؟؟ .. واقول احنا ضد الفساد ؟؟

اتفائل ، ولا يا عم خلاص القيامة طالعه قريب ..؟؟

اعيش من غير قوت اليوم ، ولا انتحر مشنوقه على كوبرى قصر النيل..؟؟!!

اتذل علشان اشتغل ؟؟ ولا بلاش الكلام دا ، لحسن دا يدعوا للتشاؤم؟؟

========================

الاسئله دى ((صادرة عن حب مصرى اصيل)) ...

الاسئله دى ، محيرة جدا جدا .. لأنها اجابتها كلها .. الاتنين !!

يعنى اعمل ايه ؟؟

تفتكرو كدا .. ايه اللى ممكن يعمله مصرى عادى جدا جدا ..

انه يساعد مصر ، بعيدا عن النت تماماً ، لأن النت دا عالم وهمى .. مش بيصلح حاجه

حاجه كدا على ارض الواقع ..

مش عايزين بقى نقول : دا هايعمل ، دا شغله مش شغلى

فكرو كدا ...

ياترى ايه ؟؟!!

حتى لو اقتراح بسيييييييييييييييييييييط جدا جدا جدا جدا جدا ..

كل واحد بكتب كدا ، ايه اللى شايفه وحش ..

======================

كمان فى حاجه تانيه فى الموضوع دا :
عايزين كل واحد ينزل فى حته ويشوف حاجه ، ايجابيه ، او سلبيه، يصورها ويحطها هنا..
ويكتب اذا كانت الحاجه دى سلبيه او ايجابيه ..
يمكن حاجه تتصلح .....
......
ياترى النقط دى .......... هاتفضل نقط ، ولا هاتتحط على حروف؟؟!!