السلام عليكم ورحمه الله وبركاته


إزيكو يا نجعاويه .... أخباركو إيه .... يارب تكونو كلكو كويسين وبأحسن صحه إن شاء الله


انا بس كنت عايز اقولكو على المسابقه .... مسابقه ركن خلّى الدماغ صاحى ....






بس قبل ما أقولكو عليها بالتفصيل هسألكو بجد .... مزهقتوش من نقل المواضيع ؟! ... طب ليه منحاولش نبدع ؟! .. نكتب ونتميز ؟! ... خايفين من الردود ؟! ... على فكره حلو إحساس إنك تكتب حاجه او تبحث عن حاجه وتجمعها وتظبها وتبقى من مجهودك ... والناس بعد كده تنقل مواضيعك وتحطها فى كل المنتديات ... بجد والله إحساس جميل ... حتى لو محدش رد على موضوعك ...

طب انا ليه بقول كده ... انا بجد لما دخلت المنتدى هنا ولاقيت الناس هنا كويسه وكلها ماشاء الله عقليات واسعه ومتفتحه وبجد ناس مبدعه حتى فى اللغه إللى مكتوب بيها النجع

فرحت لما لاقيت ركن خاص بالمواضيع الغير منقوله ... يعنى المنتدى ده بيفهم وبيشجع الأبداع ... إيه ... الأبداع ... إيه الأبداع دى ... سورى يا جماعه أقصد الإبداع

وشىء يشرفنى جدا إنى مشرف على هذا الركن الرائع ... وبما إنى مشرف على هذا الركن الجميل ... احب أعلن ليكو عن مسابقه جميله اوى ... هدفها الأول والأخير ... تنميه الإبداع فى كتابتنا وتنميه الموهبه الجميله دى جوانا ...

طيب المسابقه دى متاحه لكل الأعضاء ... كل عضو عايز يشارك فى المسابقه ... يكتب موضوع من إبداعه الخاص ... ويدخل بيه المسابقه دى ...ولو مش هيشارك بموضوع ... على الأقل يدخل يقيّم موضوع ويكتب رد فيه بحد ادنى 3 مواضيع... طيب بس كده . لاااااء دة لازم كل عضو هيدخل المسابقه دى يقيّم 3 مواضيع مكتوبه فى القسم ده قبل كده ...

يعنى تكتب موضوع تدخل بيه المسابقه ... وتكتب فى العنوان بتاع الموضوع ... مسابقه الإبداع (عنوان الموضوع) ... وبعدين تقرا المواضيع فى الركن وتقيّم 3 منهم ... وإن شاء الله فى 3 فائزين معانا ...

طب هنفوز بإيه ...

اول حاجه هى إننا هنعرف إننا نقدر نكتب ونبدع ونخلى الناس هى إللى تنقل عننا مش إحنا إللى ننقل إبداعهم

تانى حاجه وسام شرف هيبقى موجود تحت إسمك يخلى الناس كلها فى النجع تعرف إنك مبدع مش مجرد ناقل للمواضيع ... لا وكمان مش أى مبدع

ثالث حاجه ودى من عندى انا مش من عند صيحو .... بعد إذنك يا صيحو .... هنشحن رصيد .... إشمعنى الكروشيه

المركز الأول

30 جنيه رصيد

المركز الثانى

20 جنيه رصيد

المركز الثالث

10 جنيه رصيد

انا منتظر الركن يولّع نااااار بمواضيعك ... إللى انا واثق إننا هنحتار مين هياخد فيها المبدع الأول ... او الثانى او الثالث لأن كلكو ماشاء الله .... ده إللى انا حاسه بجد من غير نفاق والله ... مــــــبــــدعــــيــــن

فى البدايه بس هتردو عليا هنا تقولولى مين هيشترك يعنى إللى داخل معانا يقول ... إن شاء الله كلكو داخلين ... ولا هتكسفونى ... ولو حد فيكو يعرف حد بره المنتدى ويقوله ... يخليه يسجل معانا ... يعنى انا مثلا واحد زميلى قاعد جمبى دلوقتى ولما قرأ الموضوع بالصدفه قالى انا داخل معاكو ... والله بجد ... نجرب نقول للناس حوالينا يحسو علشان نكبّر منتدانا اكبر ونتميز ... يا نجع المبدعين

انا طولت عليكم انا عارف

بس بجد انا متفائل جدا ومنتظركو بسررررررررررررعه