[size=10pt] يا جماعه دى جزء من قصه ودى منقوله اكيد مش انا اللى كتباها بس حبيت انقلها علشان نتناقش فى الموضوع ده لانه بيحصل كتير جدا وكنت عايزه اعرف ليه تعالوا نقرى القصوه وبعديها نتكلم >
>
>
>
>


>>يوميات واحدة طهقـانـة
>>
>>أنا طهقانة من جوزي و عمايله وتصرفاته اللي تطهق بلد.. وح احكي لكم عن
>>عاملة من عمايله اللي تفرس
>>
>>********
>>كنا قاعدين في الفود كورت في مول كبير أنا وهو على ترابيزة واحدة
>>والأولاد راحوا يلعبوا و مستنيين واحد صاحبه ومرآته عازمينهم على
>>العشا
>>و أحنا قاعدين مستنيينهم قام يشتري سوفت درينك قبل ما ييجوا وساب
>>موبيله اخذت الموبيل ودعبست فيه لقيته كاتب اسمه في البلوتوث: الجامد
>>ايه يا ابن الايه جامد ايه ييجوا يشوفوا
>>رجعت الموبيل زي ما كان ولا كاني شفت حاجة وشوية و رجع وشوية كمان
>>وصاحبه ومراته وصلوا وانقسمنا فريقين الستات على ترابيزة والرجاله على
>>ترابيزة
>>
>>وانا قاعدة معاها فتحت البلوتوث بتاع موبيلي وكتبت الاسم: احب الجامد
>>ورحت باعتاله مسج دلع لقيته استقبلها وراقبته لقيت عنيه لمعت وبانت
>>عليه السعادة والرغبة في البلبطة في بحر المغامرة
>>طيب لما نشوف حتوصل لحد فين
>>راح باعتلي مسج فيها رقم موبيله و سميل فيس
>>اوبّا.. بقى كده طيب استنى عليا اما لعبّتك على الشناكل
>>
>>********
>>طلبت من صاحبتنا نقوم نتمشى ونلف على محلات الاكسسوارات وانتهزت
>>الفرصة و دخلت محل موبيل و اشتريت خط هوليداي من اللي بيشتغل 45 يوم و
>>يفصل.. ورحت مزوغة من صاحبتنا وهي بتسأل على اسعار حاجات في المحل و
>>طلبته و غيرت صوتي وكلمته بدلع واخنفيت
>>اصل انا لما اتدلع اخنف الله يمسيكي بالخير يا سكيننة
>>أنا: النووووو
>>هو(بدهوله و هطل): ا لل للو ايوة
>>أنا: الجامد؟
>>هو: اهلا اهلا
>>أنا: اسيك؟
>>هو: كويس ازيك انتي؟
>>أنا: كويسه انت قاعد فين ؟
>>هو: انا في الفوت كورت قدام محل ...... و ..و
>>أنا: ده انت قاعد قريب مني بقى
>>هو: اه.. بس انا قاعد مع واحد صاحبي
>>أنا: لابس ايه يا جامد
>>هو: لابس قميص ...و
>>أنا: اه شايفاك ده انت هاندسم خالص مالص
>>هو(بضحكة بلهاء): هاهاها متشكر يا قمر
>>عرف منين اني قمر الكذاب.. استنى عليا
>>أنا: طيب اشوفك تاني ازاي؟
>>هو: اتصلي بيا بس قبل 4 العصر بس استني انت قاعدة فين و لابسة اية و
>>..و
>>أنا: اشمعنى بعد 4 انت متجوز؟
>>هو: لا لا لا...بس علشان نبقى براحتنا
>>يانهار مش فايت.. امال 11 سنة جواز دول اية؟ والعيال اللي ملقحة دول
>>مين؟
>>أنا: طيب يلا باي بقى
>>هو: استني عايز اشوفك انت قاعدة فين؟ و..و
>>انا قفلت الخط و بقيت عايزة اشتري ايد هون وانزل بيها على نافوخه بس
>>مسكت نفسي و قلت والنبي لشخلعه واهشكه وافرجه
>>********


انا اكيد مكتبتش القصه كلها لانها طويله جدا جدا جدا
بس ده تقريبا اهم جزء فيها
وبعد ما قريتوا كده فى اسئله
اولا ليه الست تفتش اصلا فى موبيل جوزها انا مش مع النقطه دى بس فى نفس الوقت هو لازم يكون قد الثقه وانه ميحولش يخنها او يلعب بواحده غيرها
ثانيا هو حياخد ايه لما يكلم واحده تانيه على مراته مع انها بتحبه وبتغير عليه
يعنى ايه الاسباب اللى بتخلى الراجل يعمل كده اكيد يأما الست يأما هو عنده نقص
وهيا فى اخر القصه خالص بتسأل تعمل ايه وبتقول محدش يقلى اسيبه لانى بحبه
ياريت حد يجاوبلى على الاسئله دى ونتناقش فى الموضوع وكلوا يقول وجهت نظرو ا

هو الموضوع طويل شويه بس بجد انا شيفاه متكرر الايام دى
وأسفه للتطويل عليكم
[/size]