بيقولوا فيه مسابقة عن الإبداع
إبداع ..............إبداع ايه هوه ده؟!
انا مش فاكرة كلمة زى دى
فى المدرسة
زمان فى المدرسة عمرهم ما كلمونا عن حاجة اسمها ابداع كانوا علطول بيقولوا انقل ,احفظ, سمع
وياسلام بقى على اللى يفكر ويجيب حاجة من دماغه انا مش هقول كلنا عارفين ايه اللى بيجرى له واللى بيخرج عن النص حتى اسألوا بتوع الثانوية!
قعدت كدة شوية وقولت انا لازم ادور عى الابداع
فى التليفزيون
رحت على التليفزيون قلت اشوف فيلم لاحد المبدعين زى ما بيقولوا عليه اتفرجت واتفرجت وفى الاخر لقيت الإبداع استهبال!
قولت خيرهافى غيرها انا اسمع برنامج فكره جديد سمعت وسمعت وياريتنى ما سمعت
قولت بس
فى الجورنال
انا اجيب جورنال واقراه وادور على الابداع جواه بس الظاهر فى العدد ده نسيوا يحطوه جواه
قعدت اقكر وافكر ابداع .........ابداع ايه هو ده؟
بس خلاص لقيته
الابداع ان الانسان يفكر ويستخدم الميزة اللى ربنا اعطاها له ويستخدم عقله فى انه يعمل حاجة جديدة
يااااااه ده الابداع ده سهل لاء ولقيت حواليه كتير مبدعين يعنى ممكن تكون مبدع فى مجالك بس من غير ما تعرف
لان مفيش حد بيدور على التجديد كله بيروح للتقليد عشـــــــــــــان
بلد الابداع بقت بلد الاسفاف
طيب وبعدين هنفضل كدة ناقلين ولا هنكون مبدعين زى زمان ايام العقاد وزويل و حسين
ولا هنفضل نقول الحكومة والفساد والرشوةو..........و..........و.......... و...........................
طيب ماتيجى نبتدى بنفسنا وكل واحد فى مكانه يرفع شعار


جايز نرجع تانى بلد الإبداع