هل اوفى اوباما بوعده ؟؟ ..!!!!!

السلام عليكم ورحمة الله وبركاته

الموضوع دا اانا حبيت اعرف رأيكم فيه .. هل اوفى اوباما بوعده

؟؟؟؟




انا عارفه انه منكم هايقول اجابتين :

1- لا
2- هو ايه وعده ؟؟

===================

عايزين تعرفو هو ايه وعده ؟؟!!

الوعد يا سيدى : انه قال انه هايبدأ "عهد" او "صفحة" جديدة مع العرب والمسلمين ..

وعمل ((خطاب)) كاااااااااااااااااااااامل .. فى القاهرة ، يقول ايات من القران واحاديث نبويه شريفة ..



والسلام عليكم ، ولا يؤمن احدكم حتى يحب لأخيه ما يحب لنفسه .. وايات من القرآن ... الخ الخ الخ

======================

تفتكرو العهد دا هايتعمل امتى ؟؟

غير حاجه فى ((فلسطين)) ؟؟ بالعكس بوظها .. كانت المفاوضات غير المباشرة ، خلاص قربت وهاتتعمل وهاتنجح تماماً ، ولما نتياهو راح امريكا ، رجع وقال: الاستيطان مش هايوقف ..






غير حاجه فى ((العراق)) ؟؟ بالعكس .. لغاية دلوقتى فى جنود امريكان فى العراق ، ومافيش رااااااااااجل واحد فى العراق ، عارف يعمل حكومة !!




غير حاجه فى ((افغانستان)) ؟؟ لا .. الحرب لسه شغالة تسع سنين ، والبلد بتقطع فى بعض ، الجيش والحكومه وحكومة تانيه ، والشعب راح فى الرجلين !!



عمل حاجه فى مشكلة ((دول المنبع)) بتاع النيل؟؟ لا .. دا هو اللى عملها ، بعت كلينتون ، علشان تطمن ان اسرائيل لما راحت دول المنبع ، كانت قامت بكل المهام ، وقوم الدول دى علينا ، لحد ما النيل قرب ينقطع عننا ..


====================================


غير حاجه مع ((الكيان الصهيوني)) ؟؟ اه غير .. ازدادت العلاقات حباً ووداً ، وتلاته مليار دولار ، علشان سلاح الردع ، قال ايه ؟؟ علشان تردع اسلحة حماس ولبنان .. وايران !!




=====================================

اانا عايزة اسال سؤال !!

احنا كنا مستنيين منه ايه ؟؟

كنا مستيين من امريكا تعمل لنا ايه ؟؟

امريكا اللى قتلت فى العراق مليووووووووووووون مسلم ، امريكا اللى شردت 5 مليوووووووووووون طفل عراقى ، امريكا اللى دمرت العراق ، اللى بهدلتها ، العراق اللى كانت من اغنى دول العالم ، بقت من اكتر 5 دول فى العالم "عدم استقرار" ..



تفتكرو كان المفروض نصدق خطابه ، ((الاهبل)) دا ؟؟

تفتكرو كان ممكن ننتظر من واحد زى دا ، نصرة ؟؟

يمكن نسينا ان النصرة من المسلمين ، من العرب ، من ... من ربنا !!

شيوخ وقساوسه راحو الخطاب ، وصفقوا له .. لما قال : سلام عليكم .. وفرحنا لما قال شكرا جزيلاً ..

كأن مجرد تحدثه العربيه ، حاجه نصفق له عليها ، تفتكرو لو مصر ولا اى دولة عربيه ، راحت امريكا ، وقالت كام كلمة انجليزيه كدا ، هايصفقوا عليها ؟؟؟؟؟؟؟؟؟

تفتكرو؟؟

لا طبعاً ، يعنى انا لو رحت امريكا وقلت: thank you

الناس هاتفرح بيا هنا ؟؟ .. لا

هى دى الغلطة الاساسيه ، الغلطة اننا مابنصدق حد اجنبى يقول : العرب ..

احنا نسينا اننا لينا تاريخ ، امريكا دى بقال كام سنه يعنى ؟؟ تلتميت سنه ؟؟

قول خمسميه .. يعنى 5 قرون !!

مصر دى لوحدها ، كام قرن ؟؟

العراق ، كام قرن ؟؟


ليبيا ، كام قرن ؟؟


اليمن ، كام قرن ؟؟


-----------------------------

بلاااااااااااااااااش .. من ايام النبى بس "عليه الصلاة والسلام"


كام قرن للأمة الاسلاميه .. نقول 10 قرون ؟؟

بذمتكو ، دا تاريخ نستهين بيه .. ونبص لدولة مالهاش تاريخ ؟؟



1812 م

امريكا اللى تاريخها كان عبارة عن سرقة ارض ناس تانيه ، امريكا اللى عبارة عن انجليزى مساجين ، وافريقان كانو عبيد .. وخدم


امريكا اللى مالهاش دين ولا اخلاق ولا قيم ولا مبدائ ، ننتظر منها نصرة ..

دا دليل على مدى الاضمحلال اللى احنا عايشين فيه !!

اوباما .. هو دا اوباما .. عدو حبيبي عدوى ..

ودا الخطاب كاملاً

ودا الكلام اللى قالوا ، عن الاسلام .. والمسلمين ، كلام عادى جدا ، كلام بنعلمه ((المفروض لأطفالنا)) ..

قال الاسلام ، حمل شعلة العلم ، واحنا بنصفق ، لأنه قال كلام جديد عن الاسلام

واحنا بنصفق .. ربنا يتولانا برحمته والله